(Discordância- 3, ba Cesar Ferreira Amaral)
- Justificação
Primeiro, los duni katak ha’u nia maksud ne’e indivisível (la bele fahe) maibe hakerek fali indisível (la bele dehan). Ha’u hein katak ho correção nebé CFA halo, bele ona book CFA nia kakutak hodi compreende katak Ética + Ética Pública, Moral no Kritik la bele fahe (indivisível). Ha’u sei la fo obrigado, tamba docente nia knaar ida mak ne’e duni, wainhira estudante hakerek sala nia tenke corrige. Tamba ne’e mak uluk kedas ha’u reconhece-an hanesan Estudante iha Docente (pak dosen) nia oin, maske CFA dehan ne’e egaliter liu.
Segundo, escrito nebé nunca sala ne’e wainhira ema ida hakerek tiha depois fo ba ema seluk corrige hafoin pública. Nune’e, karik CFA ninia escrito sira loos hotu iha liafuan no hakerek sira, ha’u sei la dúvida. Tamba ne’e ema rua nia serviço. Nune’e, iha ha’u nia parte, sala liafuan ida rua ne’e normal, tan intenção ne’e loos hela.
Terceiro, los, katak iha duni paradoxo entre liafuan ensaio ho espécie de divulgação. Nune’e, ha’u reconhece atu la bele mout de’it iha sala kikoan ne’e hodi lori ita halai sees fali husi assunto discussão nian.
Quarto, ba CFA nia sugestão nebé dehan “Ha’u fó hanoin ba DM atu se di’ak liu iha liafuan balun ne’ebé bele hakerek ho tetun, di’ak liu ho tetun, atu labele sala hanesan iha leten, semo aas liu, maibé tiba-tiba liras-tohar”. Ha’u hakarak dehan ba CFA, katak ha’u toman liu hakerek ho Tetun Kreda. Jadi hakerek tiha ho Tetun Kreda, maibe haruka ba atu publica, editor sira Jornal nian sei muda fali ba Tetun INL, exemplo liafuan Kritik (la ho acento) nebé ha’u usa beibeik ne’e adapta husi lian grega, maibe ema muda ba INL liafuan ne’e sai tiha fali Krítik (ho acento). Maibe, husik ona ba, tan ita nia assunto iha ne’e laos koalia konaba se mak hakerek liafuan no tetun loos liu. Ita nia assunto ne’e buat ketak ida.
Quarto, ho falhanço kikoan nebé CFA corrige ona, ha’u mos aproveita tempo atu dehan ba CFA, katak iha Timor-Leste, problema boot ida nebé ita haluha atu toca mak língua Tetun. Tambasá? Tamba Instituição tolu seidauk tuur hamutuk hodi hanoin, tetu no decide atu unifica Tetun Kreda, INL no DIT, maske INL nian padronizado ona. Ha’u hanoin ida ne’e mos assunto importante ida. Maibe ne’e informação de’it, tamba ida ne’e parte ketak ida husi ita nia assunto nebé agora lao hela.
- Logical Fallacy CFA, iha Art Bene Legendi no Art Bene Intelligendi
Afinal CFA iha defeza-3 nian, CFA mos “koko atu halai-sees, no halo rasionalizasaun ba nia hakerek, maibé la konsege halai ho didi’ak” atu defende ninia argumento sira iha nia posição. Primeiro, CFA halai liu ba parágrafo terceiro husi ha’u nia hakerek iha discordância-2, konaba sentido Discordância nian, nebé consolha CFA hatene konaba saida mak ensaio/essay, opinião, artigo científico no divulgação. CFA ignora tiha parágrafo primeiro nebé dehan “Atu CFA kompriende lalais, ha’u nia maksud iha ne’e la significa atu impede CFA la bele halo Krítika konaba desizaun ka aktu públiku balun ne’ebe la loos ka sala, be comete husi ukun-na’in sira tantu ema bai-bain. Ha’u mos la bandu no la impede CFA ho se de’it atu halo libertasaun ba sa de’it, ba an rasik, ba família, ba komunidade, ba grupu, nsst. Nune’e, ha’u hato’o diskordánsia ba CFA mos ligadu ho fraze rua de’it, maka: Krítika nein iha ligasaun uito’an ho Étika no krítika ne’e nunka no nunka i nunka fó solusaun! (ha’u kutip tan dala ida para CFA la bele matan aat beibeik).
Segundo, CFA mos ignora tiha parágrafo segundo nebé dehan “CFA presiza kompriende uluk liafuan ka termu ida Diskordánsia. Diskordánsia katak iha testu tomak ida nia laran iha buat barak ne’ebe ita konkorda no aseita, maibe iha parte ki’ikoan balun ne’ebe ita la konkorda. Diskordánsia la hanesan ho Rejeitasaun. Tan ne’e mak ha’u foti de’it fraze rua ne’ebe ha’u la konkorda ne’e hodi hatuur ha’u nia pozisaun ne’ebe fundamenta ba iha Étika, Moral, Suara Hati no Hati Nurani. Ninia baze fundamental ne’e ha’u sadere ba iha livro 8 ne’ebe ha’u mensiona” (ne’e mos ha’u kutip repete atu bele loke CFA nia matan) .
Terceiro, quando CFA la liu lai husi parágrafo primeiro no segundo, maka CFA halai liu ba parágrafo terceiro. Iha ne’e mos CFA aplica saida mak “kesesatan di luar kata-kata”, “meleset”, “logical fallacy” no “catat nalar”. Tamba iha ne’e, CFA la compreende no seidauk compreende duni saida mak hermenêutica nian konaba Arte de ler bem (Art bene legendi), Arte de entender bem (Art Bene Intelligendi) hodi defende CFA nia posição, hodi hakarak muda posição husi defensor ba fali tanggapan. Tuir lolos CFA mantém posição iha defensor hodi hatur-an hanesan corretor wainhira parte husi discordância nian hakerek buat ruma sala.
- Ignorância Atrevida CFA
Konaba utilização hermenêutica nian iha escrito sira, konaba paradoxo no konaba correção nian, ha’u dehan de’it katak CFA mak loos. Atu ita la bele hela beibeik iha ne’e hodi haluha tiha ita nia assunto dialética nian.
Tan ne’e, wainhira ha’u lê didiak CFA nia texto defeza- 1 no 2, ha’u descobre duni CFA ninia Ignorância Atrevida (IA). Primeiro, CFA koko fokus fali ba assunto secundário nian iha texto laran hanesan utilização hermenêutica, paradoxo no correcção das palavras, hodi haluha lakon tiha ha’u nia preocupação nebé ha’u hatuur iha ha’u nia questão sira iha discordância-1 ligado ho assunto discussão nian. IA, halo CFA ignora tiha ha’u nia questão sira hodi dehan de’it katak “Hirak ne’e ha’u la presiza fó esplikasaun ka hatán, tanba konsidera nu’udar extra dictionem, ka fora hosi kontestu no konsidera nu’udar kekeliruan kona-ba substánsia matéria no konkluzaun ba ha’u-nia hakerek”. Se sira ne’e CFA considera ona hanesan extra dictionem, tansa mak CFA cuek no ignora tiha fali questão fundamental nebé ha’u dehan: “Wainhira pak dosen perante corrupção no injustiça nia oin, saida mak halo pak dosen ciente, consciente no hatene katak injustiça no corrupção ne’e la iha valor, la di’ak, no saida mak pak dosen tenke halo hasoru injusto no corruptor sira ne’e? Laos pergunta tolu ética nian nebé descreve ona iha leten mak halo pak dosen sai nune’e?” (apa yang harus ku lakukan, apa yang bernilai, dan apa arti kata baik?). CFA ignora mos pergunta essencial ha’u nian nebé dehan: “razão no base fundamental saida mak halo Krítika nein iha ligasaun uito’an ho Étika, no krítika ne’e nunka no nunka i nunka fó solusaun!? Iha ne’e, ha’u precisa razão no base fundamental, lógico no racional, laos razão no base nebé simples. Ligado ho afirmação nebé dehan “Iha T-L, ema barak sei kahur krítika hamutuk ho krítiku, krítika hamutuk ho solusaun, krítika hamutuk ho étika nst”. Nune’e, saida mak halo no book ema ida iha Krítika no Krítiku? Krítika no Krítiku ne’e nia direção no ponto de chegada mak saida no ba to’o iha nebé? (questão ne’e ha’u repete mos iha discordância-2 tamba interessante atu CFA hatan).
Iha defeza-2 ba discordância- 2, CFA hatudu tan IA hodi cuek ba ha’u nia questão sira nebé dehan: “CFA lori saida mak halo Krítika ba desizaun públika? Lori matenek ka lori beik, lori kakutak ka lori ain-tur? Se lori matenek/kakutak (razaun, argumento, iha hakerek liu ba ha’u temi phronesis=kebijaksanaan) tansá haluha tiha definisaun étika nian ne’ebe ha’u koloka, katak “etika adalah hal kebijaksanaan” (Suseno, 1997, 18). Nune’e, tansá CFA dehan fali Krítika la iha ligasaun uito’an ho Étika?”, “CFA sadar ka la’e, katak wainhira CFA hato’o Krítika, Krítiku ba dezisaun públika ruma ne’e CFA expressa moris ne’e hanesan ema? Se nuudar ema tansá CFA foti de’it definisaun Abbagnano nian ne’ebe ha’u hatuur hodi haluha tiha saida mak Suseno dehan “Etika merefleksikan bagaimana manusia harus hidup agar ia berhasil sebagai manusia” (Suseno, 1997, 5)”.
Wainhira CFA cuek beibeik questão hirak ne’e, maka CFA sei bidu nafatin iha Ignorância Atrevida hodi hatudu ba ema katak CFA de’it mak loos no di’ak liu, CFA de’it mak hatene liu, hodi la considera ema seluk nia opinião, ideia, discordância, nsst.
- Resposta ba CFA nia questões ligado ho “Krítika nein iha ligasaun uito’an ho Étika”
Primeiro kedas CFA hatuur pergunta tolu nebé dehan: “Iha estadu direitu demokrátiku, bele ka lae halo krítika? Diferensa saida entre krítika no krítiku? Krítika ne’e parte hosi étika no morál?, tanba ne’e tenke krítika ho étika ka parte seluk ida?”
Ba pergunta primeiro, CFA hatan hodi repete mos iha defeza-2, dehan:
“Ita sempre rona fila-fila liafuan ida-ne’e banhira ita krítika desizaun ruma ne’ebé la pro povu no justisa. Krítika nein iha ligasaun uito’an ho Étika. Inteletuál Boot Indonézia nian Daniel Dhakidae dala ida iha Narasi.Tv dehan “kritik harus tajam menghujam, menguluti apa yang tersurat dan menohok yang tersirat. Menjelujur hingga jantung persolan”. Étika nu’udar filozofia morál ka konsidera nu’udar siénsia kona-ba morál.(lee; siénsia). Atu hateten, étika nia papél mak halo krítika ka kestiona filafali baze no prinsípiu morál sira mak ezisti ona ho finalidade ida katak, sujeitu (ema) mak la’o tuir norma morál ida, la’ós tanba ema haruka ka tanba ta’uk, maibé nia iha responsabilidade no konsientemente kona-ba saida mak loos no sala, di’ak no ladi’ak, nune’e nia la’o tuir (tuir nia super ego), atu, karik iha futuru nia halo sala nia iha devér atu responsabiliza ba nia sala sira. Ho lian seluk, étika nia funsaun mak kestiona filafali ho baze rasionál ba ezisténsia morál”.
Ho resposta ne’e, ha’u hatene katak CFA nia intenção mak krítika konaba desizaun públika. Tan ne’e, CFA sadere ba Daniel Dhakidae nia liafuan ne’ebe dehan “kritik harus tajam menghujam, menguluti apa yang tersurat dan menohok yang tersirat. Menjelujur hingga jantung persolan”. CFA hanoin katak wainhira Dhakidae dehan nune’e, hanesan mos Dhakidae dehan ona katak “Krítika nein iha ligasaun uito’an ho Étika”? Ba ha’u sukat husi Dhakidae nia lifuan ho CFA nia liafuan, sentido la hanesan. Dhakidae nia maksud iha nia afirmação ne’e tuir ha’u katak wainhira halo crítica tenke siak iha agumento racional, lógico no iha base fundamental hodi book ema nia fuan atu loke laran ba bem-comum, laos siak iha trata, insulta, tolok, maulambe, maufak, nsst. nebé ataca ema nia personalidade hanesan CFA rasik reconhece katak liafuan sira hanesan “beik-teen, milisia, lahatene-an” ne’e ataca ema nia personalidade, nebé provoca de’it emoção, instabilidade no runggu-rangga.
Karik intenção Dhakidae nian hanesan buat nebé ha’u dehan, katak wainhira halo crítica tenke siak iha agumento racional, lógico no iha base fundamental hanesan ema. Então sala ka wainhira crítica liga ho ética nebé Suseno dehan: “etika adalah hal kebijaksanaan” (Suseno, 1997, 18), “Etika merefleksikan bagaimana manusia harus hidup agar ia berhasil sebagai manusia” (Suseno, 1997, 5) nebé ligado ba pergunta tolu fundamental iha ética nian, mak hanesan: “apa yang harus ku lakukan, apa yang bernilai, dan apa arti kata baik?” (Suseno, 2000, 13).
Tuir mai CFA hatutan hodi dehan:
[…] Iha kontestu polítika públika, étika públika hanesan reflesaun ida hosi padraun/norma sira-ne’ebé determina di’ak/aat, loos/sala kona-ba hahalok, asaun no desizaun sira atu dirije polítika públika hodi bele implementa responsabilidade sira servisu públiku nian.( lee. Haeli, p.7). Padraun/norma hirak ne’e dalabarak liu defini iha kódigu konduta (kode etik). Nune’e se ajente estadu ida, bainhira nia hala’o ninia servisu iha funsaun públiku, nia tenke husik nia asuntu privadu sá de’it no sei tau aas interese komum (summum bonum). Atu hateten, étika públika forma integridade iha atendimentu públiku”.
Tan ne’e, CFA dehan CFA nia substância matéria mak “Krítika desizaun públika”. Iha parte ida ne’e CFA matan at ba ha’u nia posição nebé dehan:
Atu CFA kompriende lalais, ha’u nia maksud iha ne’e la significa atu impede CFA la bele halo Krítika konaba desizaun ka aktu públiku balun ne’ebe la loos ka sala, be comete husi ukun-na’in sira tantu ema bai-bain. Ha’u mos la bandu no la impede CFA ho se de’it atu halo libertasaun ba sa de’it, ba an rasik, ba família, ba komunidade, ba grupu, nsst. Nune’e, ha’u hato’o diskordánsia ba CFA mos ligadu ho fraze rua de’it, maka: Krítika nein iha ligasaun uito’an ho Étika no krítika ne’e nunka no nunka i nunka fó solusaun!”
Los duni, katak CFA ninia maksud mak Krítika konaba desizaun púlika iha estadu direitu demokrátiku ligadu ho étika públika. Ida ne’e, ha’u la bandu no la mosu mos diskordánsia iha ha’u. Buat ne’ebe hamosu diskordánsia iha ha’u mak fraze rua ne’ebe ha’u kestiona. Nune’e, ha’u mantein pozisaun atu exige bebeik CFA le’e, estuda, reflete no kompriende didiak termu Kritik, Étika, Moral, Fo dalan, ligadu ho CFA ninia fraze rua ne’ebe ha’u diskorda
Ninia problema ne’e mosu wainhira CFA cuek ka hewai tiha buat nebé ha’u dehan, katak
CFA presiza kompriende uluk liafuan ka termu ida Diskordánsia. Diskordánsia katak iha testu tomak ida nia laran iha buat barak ne’ebe ita konkorda, maibe iha parte ki’ikoan balun ne’ebe ita la konkorda. Diskordánsia la hanesan ho Rejeitasaun. Tan ne’e mak ha’u foti de’it fraze rua ne’ebe ha’u la konkorda ne’e hodi hatuur ha’u nia pozisaun ne’ebe fundamenta ba iha Étika, Moral, Suara Hati no Hati Nurani. Ninia baze fundamental ne’e ha’u sadere ba iha livro 8 ne’ebe ha’u mensiona.
Ba segunda questão (Diferensa saida entre krítika no krítiku?). CFA fo resposta
“Krítika nu’udar esforsu ema nian hodi hatudu katak (hanoin, desizaun, ko’alia ka asaun) hirak ne’e sala no laiha lójika tanba la la’ó tuir saida mak ideál ka teoria ou prinsípiu ruma mak defini ona”. Krítiku nu’udar atitude filozófiku ida ka karatér báziku filozofia nian. (lee. filozofia). Hanesan Magnis-Suseno hatete “Filozofia nu’udar arte krítiku”. Krítiku ho nia sentidu katak, filozofia nunka satisfeitu ba saida mak nia iha, nunka husik saida mak nia hetan ne’e nu’udar rezultadu finál, la korta diálogu ka ema ko’alia, sempre nakloke no kontente atu re-avalia no halo filafali diskusaun ba asuntu saida de’it, sempre “dialétika”.
Nune’e, questão mak ne’e: esforsu, atitude filozófiku, nunka satisfeitu, nebé CFA hatuur iha Krítika ho Krítiku ne’e laos atividade kebijaksanaan? Ba ha’u atividade sira nune’e, atividade kebijaksanaan. Tan ne’e mak iha discordância primeiro kedas ha’u kaer ba Suseno nia definição nebé dehan “etika adalah hal kebijaksanaan” hodi hatuur saida mak “Philo-Sophia, Phronesis no Orthos Logos” hodi discorda ho CFA katak Kritik (grega) ho Étika ne’e inseparável no indivisível.
CFA rasik conclui katak
Em summa, hanoin krítiku (critical thinking) ne’e katak, hanoin ho baze rasionál (lójiku), sistemátiku no fundamentu no la fasil atu simu no tolan tomak de’it (…) Simplika, krítika ne’e kuriji (avalia) naksalak sira, no krítiku ne’e ita la simu de’it naksalak sira, inklui realidade hotu maibé tenta hanoin ho kle’an, hateke hosi orizonte oioin no holístico, inklui halo análize no aprezenta nia sintéze ho rasionál, sistemátiku no fundamentu. Ita bele halo krítika uza hanoin krítiku.
Sira ne’e hotu laos atividade kebijaksanaan nian? Se ne’e atividade kebijaksanaan nian. Então Suseno nia definição konaba ética mos la sala. Se Suseno la sala, então loos no tebes duni katak “Krítika nein iha ligasaun uito’an ho Étika”?
Ba terceira questão (Krítika ne’e parte hosi étika no morál?). Iha questão ne’e ha’u precisa husu fali ba CFA katak Krítika ne’e parte hosi étika no morál ou la’e?
Ba quarta questão (tanba ne’e tenke krítika ho étika ka parte seluk ida?). Iha ne’e mos CFA rasik fo resposta, hodi hamosu frase ida nebé ha’u discorda, maka liafuan nebé dehan “Krítika nein iha ligasaun uito’an ho Étika” hodi define katak
étika nia papél mak halo krítika ka kestiona filafali baze no prinsípiu morál sira mak ezisti ona ho finalidade ida katak, sujeitu (ema) mak la’o tuir norma morál ida, la’ós tanba ema haruka ka tanba ta’uk, maibé nia iha responsabilidade no konsientemente kona-ba saida mak loos no sala, di’ak no ladi’ak, nune’e nia la’o tuir (tuir nia super ego), atu, karik iha futuru nia halo sala nia iha devér atu responsabiliza ba nia sala sira. Ho lian seluk, étika nia funsaun mak kestiona filafali ho baze rasionál ba ezisténsia morál. Nune’e bainhira ita ko’alia katak krítika tenke iha étika, ita rasik komprova ita-nia an katak ita ki’ak ida definisaun konseituál sira ka simplesmente la hatene kona-ba étika no krítika.
Liafuan naruk ne’e, ikus mai CFA halo badak, katak “Ho lian seluk, étika nia funsaun mak kestiona filafali ho baze rasionál ba ezisténsia morál”. Iha ne’e CFA hatene hela katak, “étika nia funsaun mak kestiona filafali ho baze rasionál ba ezisténsia morál”. Iha ne’e ita hare elemento importante tolu maka: kestiona filafali, baze rasional no ezisténsia moral. Iha elemento rua uluk kebijaksanaan funciona ka la’e? no elemento ida ikus ne’e ezisténisa moral mak saida? Laos sinteresis no conscientia nebé ha’u hatur ona ligado ho ema (sujeito) no nia responsabilidade? Tan ne’e dala ida tan loos ka “Krítika nein iha ligasaun uito’an ho Étika?”. No ha’u nia afirmação nebé dehan “ética no moral mak base fundamental nebé dudu no book ema atu halo argumento crítico, hodi orienta malu ba bonum privatum et comune” ne’e sala?
- CFA falha iha saida mak Arte de Entender Bem (Art Bene Intelligendi/ Subtilitas Intelligendi)
CFA la entende didiak buat nebé ha’u hakerek konaba termo Fo dalan. Ha’u dehan, katak “Atu kompriende liafuan “fo dalan” ne’e, ita kompriende lai saida mak Ponto de Partida, Meios no Ponto de Chegada. Maksud ida “Fo dalan” ne’e, ha’u nia pozisaun iha Meios nian laos iha Ponto de Chegada”. Tan de’it desentendimento ida ne’e mak CFA dehan
Iha étika públika sasukat ba “loos no sala” ne’e hatuur klaru ona, ne’e mak konkordánsia komum sira, padraun ruma ka iha estadu direitu mak Konstituisaun no norma jurídika sira seluk (lei, dekretu lei) nst. Atu hateten, ida atu ba kaer podér ne’e nia hatene dalan, tanba ne’e mak nia bá, maibé dalaruma biar la hatene dalan tan nia partidu maka ukun nia bá de’it, depois ema krítika, nia husu dalan (ida-ne’e mak halo ema barak ba tuur iha kargu públiku ruma biar la hatene buat ruma, tanba ho fiar-an dehan iha ema ruma ne’ebé sei fó dalan ba nia, karik halo sala, no kontribui ba gastu osan povu nian ne’ebé la lori benefísiu ba povu rasik). Kona-ba hatuur dalan sira kona-ba “loos no sala”, iha étika públika defini hotu ona iha kódigu konduta, ne’ebé orienta ita atu labele halo ida-ne’e ka ida ne’ebá, hodi la’o tuir de’it dalan loos. Dalan hirak-ne’e, nia hateten nia sei kumpri liuhosi juramentu ne’ebé nia halo bainhira nia simu knaar atu serbí bem komum. Jadi, la presiza fó tan dalan, tanba nu’udar servidór estadu nia hatene, nia sees hosi dalan ne’ebé mak nia komprometidu atu la’o tuir, ita fó hanoin ba nia liuhosi krítika atu leno-an no la’o tuir nafatin ba dalan ne’e. Ho lian-seluk, konstrui liuhosi krítika, ka uza DM liafuan karik, hatudu dalan liuhosi krítika ka solusiona liuhosi krítika. Dalaruma, matan-naksolu liu ba soin sira halo ita haluha dalan. Dalaruma mós buka dalan atu salva rikusoin estadu nian ba bolsu hatene, buka dalan fali ba povu nia moris di’ak, lahatene.
Iha afirmação ne’e ita haré kona saida mak “konkordánsia komum sira”, “Konstituisaun”, “norma jurídika sira seluk” no “kódigu konduta”. Sira ne’e hotu inia objetivo final mak servi bem comum ka pro ba povo no ba justiça. Ha’u nia intenção fo dalan iha ne’e, por exemplo wainhira ita haré fator educação grave, ita halo crítica ba ministra da educação exige nia ho maneira racional atu nia buka dalan hodi hadia qualidade professores, hadia gedung escola, hadia sistema educação, hadia curiculum (exige ne’e dalan ida husi ita sira crítico ne’e nia parte). Exemplo seluk, wainhira fator saúde grave, ita halo crítica ba ministro de saúde exige nia ho argumento racional, atu book beibeik nia oinsá coloca didiak pessoal saúde sira iha ida-idak nia fatin, hadia condição hospital nian, atende paciente oinsá. Exemplo seluk tan, wainhira ita haré injustiça, ita halo crítica ba parte justiça nian, maibe ita moos exige atu hadia sistema justiça nian iha Timor, hanesan reforma judiciária, ou harí supremo Tribunal de justiça, atu lei la vale de’it ba ema kiik sira, maibe ba ema hotu-hotu (equallity before the law). Tamba ne’e mak ha’u dehan “hatudu dalan liuhosi krítika ka solusiona liuhosi krítika”, liafuan ne’e CFA mak kutip rasik, maibe la compreende fali ha’u nia maksud iha frase ne’e.
Wainhira ha’u hatuur posição ne’e, la significa ha’u mos anti ona crítica, no ha’u mos seidauk dehan ba CFA katak CFA anti ona ética, lê halo didiak. Iha discordância-2, ha’u dehan “Atu liberta ema husi Miséria hirak ne’e, responsabilidade ita hotu nian. Laos ukun-na’in sira de’it laos mos krítiku sira de’it. Tan ne’e mak ha’u mos hakarak dehan ba CFA katak iha Esatado de Direito Democrático nia laran, Kritik ne’e parte ida husi parte sira ne’ebe importante liu. Maibe Kritik ne’e Inseparável (la bele haketak) no Indivisível (la bele fahe) ho Étika + Fo dalan. Basá Kritik ne’e laos foka de’it ba Decisão Pública, maibe foka mos ba ema nia profissionalidade sira iha serviço, karáter, liafuan, dever, knaar, nsst.”. Ita lao beibeik hanesan ne’e to’o fator educação, saúde no justiça lao di’ak ona iha Timor. Wainhira lao di’ak ona, ida ne’e mak solução, nebé mai husi parte rua nian. Se seidauk di’ak ita sei lao hela iha dalan, seidauk to’o iha solução.
Karik iha fo dalan ne’e mak difícil atu hadia beibeik fator hirak ne’e, maka ha’u mos concorda ho saida mak CFA dehan, katak hasai-an husi ne’e ka hasees-an husi ne’e hodi fo fali fatin ba ema seluk.
Ikus nian CFA afirma dehan “Ikus liu, haree ema mak iha podér halo asaun ruma la tuir étika públika, iha fatin públiku karik (hanesan baku ema-nia kidun, dosente kaer estudante nia isin-lulik, na’ok povu nia osan nst), ita tenke krítika ho sopan, labele dehan malkriadu, se ita dehan liafuan “malkriadu”, “dungu” ita la tuir ona kontestu étika no morál. No ita tenke ajuda buka dalan ba nia, tanba nia seidauk hatene dalan. Mungkin ida-ne’e mak DM nia maksud?
Iha parte ne’e CFA la compereende ha’u nia maksud nebé dehan “ética no moral mak base fundamental nebé dudu no book ema atu halo argumento crítico, hodi orienta malu ba bonum privatum et comune”, “Kritik, Ética, Moral no Fo dalan ne’e inseparável no indivisível”. CFA la compreende duni ha’u nia maksud iha ha’u nia discordância, tamba tuir CFA Ética ne’e mak to’o de’it iha “ita tenke krítika ho sopan, labele dehan malkriadu, no “dungu”. CFA halo finge la compreende ética nia level nebé engloba konaba Philo-Sophia, Prhonesis, Orthos-Logos (kebijaksanaan) nebé ha’u hatuur iha ha’u nia discodância. Quando CFA halo finge la hatene konaba ida ne’e, CFA dificíl duni atu simu no concorda ho buat nebé ha’u dehan.
Maibe la buat ida, tan iha dialética nia laran ne’e, sempre iha parte rua: pro no contra nebé ida-idak defende ninian. Wainhira sira nain rua ida-idak sei defende ninia argumento maka sira nain rua rasik la sai avaliador hodi decide katak ida ne’e mak loos ida ne’e mak sala. Tan ne’e, ema seluk mak sempre sai avaliador hodi dehan o mak loos no ninian mak sala.