𝐈𝐒𝐅𝐈𝐓 𝐑𝐄𝐀𝐋𝐈𝐙𝐀 𝐂𝐎𝐌𝐏𝐄𝐓𝐈𝐂̧𝐀̃𝐎 𝐈𝐍𝐓𝐄𝐑𝐍𝐀 𝐁𝐀 𝐃𝐈𝐒𝐂𝐔𝐑𝐒𝐎 𝐏𝐔́𝐁𝐋𝐈𝐂𝐎

𝘋𝘪𝘭𝘪 – 𝘐𝘚𝘍𝘐𝘛 𝘭𝘪𝘶 𝘩𝘰𝘴𝘪 𝘝𝘪𝘤𝘦-𝘙𝘦𝘪𝘵𝘰𝘳 𝘐𝘐𝘐, 𝘢𝘴𝘴𝘶𝘯𝘵𝘰 𝘦𝘴𝘵𝘶𝘥𝘢𝘯𝘵𝘪𝘭 𝘯𝘰 𝘤𝘰𝘰𝘱𝘦𝘳𝘢𝘤̧𝘢̃𝘰 𝘩𝘢𝘮𝘶𝘵𝘶𝘬 𝘩𝘰 𝘯𝘪𝘯𝘪𝘢 𝘚𝘦𝘯𝘢𝘥𝘰 𝘌𝘴𝘵𝘶𝘥𝘢𝘯𝘵𝘪𝘭, 𝘭𝘪𝘶-𝘭𝘪𝘶 𝘴𝘦𝘤𝘤̧𝘢̃𝘰 𝘢𝘤𝘢𝘥𝘦́𝘮𝘪𝘢 𝘳𝘦𝘢𝘭𝘪𝘻𝘢 𝘤𝘰𝘮𝘱𝘦𝘵𝘪𝘤̧𝘢̃𝘰 𝘪𝘯𝘵𝘦𝘳𝘯𝘢 𝘣𝘢 𝘥𝘪𝘴𝘤𝘶𝘳𝘴𝘰 𝘱𝘶́𝘣𝘭𝘪𝘤𝘰. 𝘈𝘵𝘪𝘷𝘪𝘥𝘢𝘥𝘦 𝘪𝘥𝘢 𝘯𝘦’𝘦 𝘳𝘦𝘢𝘭𝘪𝘻𝘢 𝘪𝘩𝘢 𝘭𝘰𝘳𝘰𝘯 6 𝘧𝘶𝘭𝘢𝘯 𝘢𝘨𝘰𝘴𝘵𝘰 𝘵𝘪𝘯𝘢𝘯 2024 𝘪𝘩𝘢 𝘴𝘢𝘭𝘢̃𝘰 𝘐𝘚𝘍𝘐𝘛.

Secção Académia Senado geral estudantil, estudante Carlos Costa Araujo hanesan responsavel ba programa ida ne’e haktuir iha entervista katak programa sira hosi secção academia ISFIT ba tinan ida ne’e mai ho modalidade haat. Tolu uluk ho caráter competitivo no ida ikus extra-competitivo. Programa hirak ne’e mak hanesan hakerek artigo científico, discurso público (ho lian português no inglês), debate científico no publicação mensal da jornal parede. No atividade hirak ne’e compete cada classe em representação.

“Atividade académica hirak ne’e ho objetivo ou finalidade atu explora desenvolvimento acadêmico no pedagógico estudante ida-idak, estimula estudos hirak nebé sira aprende ona, garante autonomia intelectual, no aperfeiçoamente profissional cada estudante. No atividade hirak ne’e fiel ba pilar tolu nebé sustenta instituto ou universidade ida liu husi ensino, pesquisa no aplicação. Significa além de aprende iha aula, estudante sira mós bele iha curiosidade no espírito filosófico hodi halo pesquisa no finalmente bele aplica iha sociedade. Além de ne’e, treina mós estudante sira atu iha espírito, crítico, analítico, criativo, ativo no inovativo ba assunto relevante no pertinente sira ka realidade nebé acontece iha sociedade”, hatutan estudante Carlos.

Reitor ISFIT, Pe. Justino Tanec lori senado académico ISFIT tomak nia fatin ho ksolok halo abertura ba atividade académica hirak ne’e. Reitor mós deseja sucesso ba estudantes, concorentes no equipa organizador sira nebé organiza atividade académica hirak ne’e. No nia espera atu hosi atividade hirak ne’e estudante sira bele exprime conhecimento filosófico no teológico sira hotu.

Molok termina atividade refere, chefe Senado geral estudantil, estudante Zebedeu Mota hato’o agradecimento ba senado academico tan fo confiança hodi realiza actividade refere no mós ba equipa de juri nia disponibilidade. No nia agradece mós ba secção academia hanesan comissão organizadora no liu-liu ba concorente sira nia esforço no apresentação. Chefe senado estudantil ne’e mós husu atu estudante sira nafatin colabora hodi capacita sira nia-an atu nune’e bele realiza visão no missão nebé ISFIT iha.

Atividade competição ida ne’e rasik sai hanesan abertura ba atividade sira hotu secção academia nian nebé sei realiza iha tempo tuir mai. No atividade académica hirak ne’e hotu hetan apoio financeiro hosi Governo nebé oferece liu hosi Ministério Ensino Superior, Ciência e Cultura (MESCC). (Média ISFIT)