DILI-Instituto Superior de Filosofia e Teologia de Dom Jaime Garcia Goulart (ISFIT) celebra nia existência nu’udar instituto acadêmico ba dala X. Celebração ne’e hahú ho celebração da Santa Eucaristia nebé preside hosi Reitor do ISFIT, Pe. Justino Tanec, Ms. Teo no concelebra ho padres sira nebé haknar-an nu’u docente iha ISFIT. Celebração Santa ne’e hala’o iha capela do Seminário Maior Interdiocesano de São Pedro e São Paulo Fatumeta hamutuk ho Padres, Madres, Funcionários ISFIT, Docentes e Dicentes tomak ISFIT nian. (Fatumeta/10/05/2023).
ISFIT hanesan Instituto Católico ida nebé hetan nia subordinação ba Conferência Episcopal timorense (CET) liu husi nia departamento educação eh Comissão Nacional da Educação Católica de Timor-Leste (CONECTIL) hari Instituto ida ne’e hodi hatan ba necessidade Uma Kreda Local Timor-Leste nian. ISFIT nu’udar Instituto ida be hari iha 2013 no antes funciona hamutuk ho formação espiritual, pastoral e humana iha Seminário Maior Fatumeta eh oras ne’e hanaran Seminário Maior Interdiocesano Fatumeta. Oras ne’e formação acadêmica iha Seminário transforma ona ba ISFIT nune’e formando hotu nebé pertence ba SPEPAL sei frequenta formação acadêmica iha ISFIT hamutuk ho religioso/religiosa no leigos/leigas sira.
Loron 10 fulan maio, ISFIT celebra ona nia existência ba dala X. Ho tinan marcante ida ne’e Reitor ISFIT, Pe. Justino Tanec, Ms. Teo. iha nia Homilia hateten “Vale a pena, ita hateke fali ba kotuk ho reza ba ema hotu nebé contribui ba ISFIT hanesan Dom Alberto Ricardo [Maktoban] no Dom Basílio do Nascimento [Maktoban], ho sira nia hanoin hodi loke instituto ne’e no ikus mai ita bele ona celebra nia existência ba dala X. Ita mos reza ba docentes sira nebé fila ona ba aman Maromak nia kadunan Santo hanesan Pe. Francisco Pinheiro, Pe. Violanto, Sj no sira seluk atu reza mos mai ISFIT iha lalehan”.
Reitor ISFIT mos acentua maka’as iha diálogo interno wainhira hasoru obstáculos ruma nebé bele sai impedimento ba progresso instituto ne’e nian. Tamba ne’e Pe. Justino encoraja Docente, Funcionários no discentes sira hotu atu celebração X aniversário ISFIT nian ne’e sai nu’udar momento ida hodi “hateke fali ba osbtáculos no atingimentos be ISFIT hetan liu husi domin ba Maromak no maun alin sira”. Nia salienta liu tan katak “ISFIT fó fuan barak no sei fó fuan barak liu tan wainhira Docentes, funcionários, dicentes haburas cultura de diálogo iha qualquer circunstância hodi kuda Domin ba Maromak no Domin ba maun alin sira”.
Depois de celebração eucarística docente no discentes sira hala’o atividade de aprendizagem hanesan bai-bain. Atividade extracurricular sira sei hala’o depois de aula eh iha loro kraik. Atividade sira mak: Jogo Amizade entre ISFIT vs Universidade Católica Timorense fatin iha campo Fatumeta no noite de convívio hamutuk ho banda sira be preparado ona iha campus ISFIT.
Média-ISFIT
Júlio de Jesus