David Martins, Estudante ISFIT, II ano de Teologia
Introdução
Objetivo husi escrito ne’e maka, lori ema ba compreende saida mak amor sentimental/romântico no arte de amar iha esteira filosofia Erich Fromm nian. Basá, desde uluk kedas to’o ohin loron, domin laos “parte” ida husi moris, maibe “tudo”. Ho liafuan seluk, katak moris ne’e “domin”. Nune’e, moris atu iha sentido wainhira iha domin, no domin ne’e atu iha sentido wainhira halao iha an rasik no ba existente seluk. Nune’e, domin ho moris ne’e la bele haketak (inseparável). No sempre iha, maske ita la iha buat barak. Maibe ohin loron, domin ne’e halo ema barak halimar malu ho sentimento hodi estima malu ka bolu malu ho termo/istila oi-oin. Husi ne’e lori ema barak ba compreende domin ne’e iha de’it nível romântico nian, nebé hatudu iha feto ida ho mane ida hato’o sentimento ba malu, hodi haluha tiha nível autêntico nian nebé halo ita hadomi moris no mos hadomi existente seluk. Entretanto, iha escrito ne’e nia título escritor usa termo “existente” ho objetivo atu dehan domin lolós ne’e além de ita fo ba ema, ita fo mos ba criatura sira seluk.
1. Raíz husi Domin
Liafuan “domin” ne’e adaptada husi lian seluk. Iha Timor ita seidauk iha fontes atu esclarece termo ne’e mai husi lian saida. Maibe iha lian português ema hanaran amor ne’e nome masculino ida nebé derivado husi verbo amar, iha Inglês mak love, ho lian seluk tan. Liafuan ne’e contém sentido klean wainhira ita ba compreende iha lian grega. Basá, ema grego sira define liafuan ne’e iha conceito tolu: ἔρως (Eros), φιλία (Philia) no αγάπη (Ágape). Eros halai liu ba sexualidade (romântico), Philia refere ba amizade no Ágape refere ba domin universal/genuíno.
Nune’e, Abbagnano define domin ne’e iha parte hitu: primeira, relação intersexual, domin ida nebé baseia ba ita ema nia relação seletiva no eletiva (sentimental), inclina liu ba iha desejo de posse/Eros. Segunda, relações interpessoais (Philia), domin entre amigos, família, cidadão no fen-laen. Terceira, amor por coisas ou objetos inanimados (Eros/desejo de posse), hanesan domin ba mesa, asu, ai-funan, fatuk, etc. Quarta, amor aos objetos ideais, hanesan domin ba justiça, ba bem, glória, verdade, etc. (Interesse/Ágape). Quinta, amor as atividades ou formas de vida, hanesan domin ba trabalho, profissão, jogo, luxo, no divertimento (Interesse) ho caráter Eros. Sexta, amor à comunidade ou entes coletivos hanesan domin ba pátria, ba partido, ba grupo, classe, família, bairo, etc. ho caráter Philia, no sétima maka amor ao próximo e de amor a Deus (Ágape) (ABBAGNANO: 2007: 38-39).
Husi ne’e ita hatene katak domin ne’e laos buat kloot ida, maibe buat luan nebé consiste iha ita ema nia relação, liga ho buat hirak be haleu ita iha mundo ne’e. Nune’e, geralmente domin ne’e rasik lori ka contém buat positivos, di’ak, laos negativos ka at. Nia lori consequência at/ negativa wainhira ita ema halai liu ba iha tendência Eros hodi moris iha ação ka relação erótica no romântico/sentimental nian. Katak domin nebé sente de’it iha isin lolon (exterior) hodi lori buat at ba laran.
2. Oinsá domin ne’e tuir filósofo sira nia haré
Iha tempo clásico/antigo, ema grego sira haré domin ne’e hanesan força unificadora ka harmonizadora ida. Nune’e, ba sira domin ne’e buat interior no invisível. Aristóteles dehan katak Hesíodo ho Parmênides mak ema primeiro nebé define domin ne’e hanesan força interior nebé halo buat hotu book-an no halo buat hotu sai hamutuk hodi metin ba nafatin (Metáfisica I, 4, 984b). Maibe antes ne’e, Empédocles afirma ona katak domin mak força ida nebé bele halibur no hafahe elemento haat: rai, be, ahi no ar, hamutuk hodi hetan harmonia/geração/amizade, no haketak malu sei sai desarmonia/corrupção/discórdia/ódio (GIOVANI-ANTISERI: 2003: 41).
Platão iha nia livro Banquete nia trata uluk kona ba Eros, maibe ikus mai nia dehan ne’e laos domin lolós (cópia). Nune’e, nia define katak domin ne’e halo ita sente falta, insuficiência, iha necessidade, ao mesmo tempo, domin ne’e halo ita iha desejo atu hetan no conserva buat nebé tuir lolós ita la iha. Maibe, Platão nafatin relata, katak domin ida henesan ne’e domin nebé la dun iha valor. Tan ne’e, nia dehan, domin lolós mak domin ida nebé halo ema contempla beleza iha mundo ne’e hodi recorda kona ba belo ka bom nebé iha leten as ba (mundo inteletiva/ideal ka racional). Tan ne’e ba Platão domin lolós ne’e mak o desejo do bem/uno bem (Banq: 200 a, e 205 e). Iha fali livro Fedro Platão dehan ema ida nebé iha domin lolós mak ema nebé hasai-an husi amor sensível (eros) hodi ba iha amor pela sabedoria (philia no ágape). Husi ne’e ema sai filósofo, enraizado iha Pitágoras nia definição kona ba filosofia be dehan amor pela sabedoria (Fedro, 265 b).
Iha fali tempo medieval, domin ne’e hetan transformação. Tamba iha tempo clássico nian, domin ne’e refere de’it ba buat nebé di’ak, feliz, agradável, etc. hodi lori ema ba moris iha hedonismo, estoicismo, epicurismo, etc. Nune’e, sira dehan iha domin nia laran la existe sofrimento. Maibe iha tempo medieval nian domin ne’e hanaran Paixão. Termo paixão ne’e contém buat rua maka amor ho sofrimento. Nune’e, ema medieval, liu-liu cristão sira compreende domin ne’e laos consiste de’it iha buat nebé fo ksolok maibé domin ne’e mos consiste iha sofrimento. Iha ne’e domin ho sofrimento hanesan de’it oin rua iha osan ida, la bele fahe (indivisível). Nune’e, se mak hakarak hadomi pronto atu terus no se mak hakarak terus pronto atu hadomi.
Sira nia argumento ne’e baseia ba paixão Cristo nian, nebé moris, terus, mate no moris hias iha Cruz leten. Nune’e, São Paulo dehan “o amor é a maior de todas” (I Cor 13, 13). Husi ne’e Jesus hari ukun-fuan foun hodi dehan “é este o meu mandamento: que vos ameis uns aos outros como Eu vos amei” (Jo 15, 12). Iha ne’e domin nebé prevalece maka Philia no Ágape. Tamba la iha domin ida nebé boot liu domin nebé saran nia moris ba nia bibi sira (dar). Husi ne’e mak Santo Agostinho, São Tomas de Aquino, Duns Scoto, ho tan sira seluk desenvolve sira nia filosofia ho teologia iha parte domin nian hodi esclarece Maromak nia domin ida ne’e, nebé fundamenta iha 1 Jo 4, 16 be dehan “Deus é amor”. Ita conhece domin tamba Maromak hadomi uluk ita.
Iha tempo moderno mosu mai filósofo bar-barak define domin ne’e tuir sira nia ponto de vista filosofia nian. Maibe Descartes dehan “o amor é uma emoção da alma, produzido pelo movimento dos espíritos vitais que a incita a unir-se voluntariamente aos objetos que lhe parecem convenientes”. Iha ne’e Descartes define domin ne’e halai liu ba emoção da alma be kait kedas ba Eros hodi lori ema ba desejo de posse, basá incita a unir-se voluntariamente aos objetos hodi halo ema sai ambição ba glória, ba osan, ba feto, etc. Iha sorin seluk Leibniz dehan “quando se ama sinceramente uma pessoa” (apud ABBAGNANO: 2007: 42-43). Iha ne’e tuir Leibniz quando ita koalia kona ba domin ita koalia kona ba ema ida. Maibe tuir nia domin ne’e realiza entre ema ida ba ema ida de’it. Ninia hare ne’e halai liu ba feto ida ho mane ida hadomi malu, liga liu ba desejo sexual ka prazer (individualista, egoista no narcisista).
Iha fali doutrina Spinoza nian, nia apresenta conceito rua kona ba domin, nebé ikus mai Românticos sira usa. Termo rua ne’e maka: primeiro, nia dehan katak domin ne’e emoção do corpo (affectus), no segundo domin ne’e afeção da alma (passio) nebé consiste iha alegria be causa husi liur tama ba laran, aliás Conatus (Ética, III, 13). Iha ne’e Spinosa atu dehan domin ne’e ita fo no mos ita simu, tama no sai. Iha tan filósofo barak argumenta kona ba domin ne’e, maibe filósofo sira nebé cita ne’e suficiente ona atu ita hatene katak domin ne’e ema trata ho sentido nebé la hanesan iha tempo ba tempo (progressivo).
Iha fali tempo contemporâneo nian, iha mos filósofo bar-barak mak trata kona ba domin ne’e ho ponto de vista la hanesan. Liu-liu ema barak trata domin ne’e iha de’it nível sensitiva (sentimento), romântico ka sexual nian, hodi dada mai to agora no ifluência ona ema barak mak compreende domin ne’e hanesan de’it, feto ida mane ida tur ka toba hamutuk, rei malu, hakuak malu, manja ka estima malu, etc. Maibe Erich Fromm pelo contrário, nia dehan buat seluk ida.
3. Erich Fromm nia haré kona ba domin
Fromm ne’e filósofo, psicanalista no sociólogo contemporâneo ida. Nia naran completo mak Erich Pinchas Fromm, moris iha 23 de Março de 1900 iha cidade Frankfurt, Alemanha. Oan mane mesak, husi Naphali Fromm no Rosa Krause (DALFOVO: 2009: 12). Fromm ema Judeu cristão nebé estuda Kant, Hegel, Nietzsche, Herbert Spencer, John Stuart Mill, William James, Heidegger, Sartre, Bloch no Habermas (FUNK: 2010: 4). Husi ne’e mak ikus mai nia hakerek livro lubuk ida, nebé trata kona ba sociedade, ema, domin, psicologia, etc. Obras sira balun hanesan cita ona iha escrito ne’e nia referência.
Iha esteira filosofia Fromm nian, iha livro Amor é Uma Arte koalia kona ba domin constitui buat rua maka: Teoria no Prática. Teoria consiste iha Amor, Resposta ao Problema da Existência Humana; Amor Entre Pais e Filhos; Dos Objetos do Amor. No iha prática nian contém buat tolu maka Disciplina, Concentração no Paciência (FROMM: 1990: 142-143). Maibe fácil atu compreende teoria ho prática ne’e Fromm dehan nune’e, “Se uma mulher nos diz que ama as flores e vemos que ela se esquece de regá-las, não acreditamos em seu amor pelas flores” (FROMM: 1990: 49). Iha ne’e, Fromm hakarak dehan domin ne’e laos sentimento ka emoção, maibe arte nebé exige ita ema nia coerência entre liafuan ho hahalok (teoria no prática). Nune’e, folin sa lerek se ita dehan hadomi ema ida maibe ita halo nia estress no terus loron kalan?
Hanesan arte, iha teoria ida primeiro, Fromm dehan katak domin mak única resposta ba ita ema nia problema moris nian. Tuir Fromm iha domin nia laran ita ema nia problema primeiro mak sente mesak, solidão física no espiritual (FROMM: 1983: 26) ou sente lakon hela buat ruma, sasan ruma, ema ruma, buat ruma, etc. (solidão, separação, ansiedade). Nune’e, ita nia preocupação primeiro mak oinsá hetan hikas buat nebé ita lakon ne’e, hodi ba hamutuk ho nia, hamnasa no haksolok ho nia (união), ex. knosen sorin, belun, sasan ruma, etc. (FROMM: 1990: 27-31). Hanesan Eva nebé lori knosen sorin ba completa Adão nia solidão. Iha ne’e Eva hanesan ai-moruk nebé kura Adão nia moras, ou hanesan Eva ho Adão nebé saudades bei-beik ba Jardim Eden.
Iha teoria ida segundo, Fromm koalia kona ba domin entre inan-aman ho oan sira nian. Nia dehan inan nia domin ne’e incondicional, katak inan hadomi ita ne’e laos tamba ita di’ak, bonita/o, badinas, obediente, la’e, maibe inan hadomi ita, tamba nia sente ita ne’e ninia isin rohan nebé haketak husi nia wainhira ema koa ita nia husar talin be liga hela ho nia wainhira ita moris mai (parto), maibe ita sei hemu bei-beik husi nia hirus matan (susu). Pelo contrário, domin aman nian ne’e condicional, katak ita nia aman hadomi ita tamba nia hare katak ita ne’e ema di’ak, obediente, badinas, hakraik-an, etc. Nune’e, Fromm dehan katak “A mãe é o lar de que proviemos, é a natureza, o solo, o oceano; o pai não representa qualquer desses lares (…) o pai representa o outro polo da existência humana: o mundo do pensamento, das coisas feitas pelo homem, da lei e da ordem, da disciplina, das viagens e da aventura. O pai é aquele que ensina ao filho, que lhe mostra a estrada do mundo”. Nune’e, iha inan ida nia consciência maka “não há ação má nem crime que possa privar-te de meu amor, do que desejo para tua vida e felicidade”. Iha aman ida nia consciência maka “agiste mal, não podes deixar de aceitar certas consequências de teus erros, e, antes de tudo, deves mudar de conduta se quiseres que eu goste de ti” (FROMM: 1990: 67-69).
Iha teoria ida terceiro, Fromm koalia kona ba domin iha parte lima: amor fraterno nebé consiste iha “o sentimento de responsabilidade, de cuidado, de respeito por qualquer outro ser humano, o seu conhecimento, o desejo de aprimorar-lhe a vida (…) é amor por todos os seres humanos (…) baseia-se na experiência de que todos somos um” hatudu liu-liu ba ema lao rai, ki’ak, faluk, oan ki’ak, etc. la hare ba cor, raça, religião, étnia, etc.; amor materno consiste iha inan nia domin nebé incondicional hatudu iha ninia cuidado no responsabilidade ba nia oan ida nia moris no crescimento; amor erótico consiste iha “o anseio de fusão completa, de união com uma outra pessoa (…) contato sexual (…) união física, superação da separação”; amor próprio, Fromm concebe ide ne’e la hanesan autor sira seluk nebé dehan amor próprio ne’e halo ema sai egoista ka narcisista, maibé Fromm dehan se ita bele hadomi ema seluk hanesan ita an rasik oin nusa mak ita la bele hadomi ita nia an rasik? Nune’e, amor prório refere ba oinsá mak ema ida cuidado, hadomi no hadia nia an, etc. (FROMM: 1990: 72-91).
Ida ikus maka amor de Deus, iha parte ne’e Fromm dehan atu hadomi Maromak ita hare uluk husi aspeto paternidade no maternidade nian. Iha aspeto maternidade nian halo Maromak hadomi ita ho domin incondicional, hanesan rai nebé tane no sustenta ita ho buat oi-oin la sente baruk. Nune’e, ita nia domin ba fali Maromak mak liu husi fiar no cuidado Nia. Iha aspeto paternidade nian halo Maromak hadomi ita ho domin condicional, hanesan Lalehan nebé fo loron, kalan, udan, fitun, fulan, kalohan, mahowen, hodi la hare ba metan ka mutin, kiik ka boot, oin at ka oin di’ak, rico ka ki’ak, etc. Ita ema nia domin ba fali Maromak mak liu husi fiar no obediência, tamba iha aspeto paternidade nian ne’e Maromak hadomi ita condicional. No ikus Fromm dehan “o amor de Deus não é o conhecimento de Deus em pensamento, nem o pensamento do amor de alguém a Deus, mas o ato de experimentar a unidade com Deus” (FROMM: 1990: 91-106). Nune’e, ligado ho ida leten ne’e, iha aspeto humana nian, ita dehan katak lakon aman ne’e, lakon Lalehan/força, lakon inan ne’e, lakon mundo/carinho. Maibe iha aspeto divino nian keta haluha katak rai sei tane Lalehan sei sadia, Maromak ne’e permanente nuudar aman no inan nebé ita la haré ho matan maibe sempre iha ba ita.
4. Domin ne’e hanesan arte tuir Fromm
Atu hatene oinsá Fromm koalia kona ba arte de amor, iha kedas preâmbulo do livro, nia relata katak “o amor não é um sentimento em que qualquer um se possa comprazer, sem levar em conta o nível de maturidade que alcançou. Todas as tentativas de amar estão fadadas (determinadas) a falhar se ele não procurar, com o máximo de atividade, desenvolver sua personalidade total, de modo a conseguir uma orientação produtiva; convencê-lo de que a satisfação no amor individual não pode ser atingida sem a capacidade de amar ao próximo, sem verdadeira humildade, coragem, fé e disciplina” (FROMM: 1990: 15). Katak tentativa hotu-hotu domin nian nebé ita halo, sei falha wainhira ita la ativo no la desenvolve ita nia personalidade hodi orienta ba produz buat ruma; no ita sei la sente satisfação individual iha domin ne’e se ita la iha capacidade atu hadomi ema seluk ho hakraik-an, coragem, fé no disciplina.
Atu compreende didiak afirmação ne’e Fromm hatur kedas problema hodi dehan “a maioria das pessoas vê o problema do amor, antes de tudo, como o de ser amado, em lugar do de amar, da capacidade de alguém para amar”. Ho liafuan badak, katak problema domin nian ne’e mosu wainhira ema barak gosta de’it oinsá mak ema seluk hadomi nia, laos oinsá mak nia hadomi ema no existente seluk. Tamba ne’e nia dehan domin ne’e laos sentimento maibe hanesan arte ida nebé exige ita atu domina teoria no prática hodi halao iha moris ida. Nune’e tuir Fromm domin lolós mak união, salvação, igualdade (exclui meios), atividade criadora (atividade da alma), nune’e nia dehan “O amor é uma força ativa no homem; uma força que irrompe pelas paredes que separam o homem de seus semelhantes, que o une aos outros; o amor leva-o a superar o sentimento de isolamento e de separação, permitindo-lhe, porém, ser ele mesmo, reter sua integridade” (FROMM: 1990: 19-43).
Nune’e, Fromm dehan katak domin ne’e atividade laos afeto passivo, domin ne’e halo ita fo liman ba ema atu halo nia hamrik, laos fo ain hodi chuta ema monu. Harahun moru nebé haketak hodi hari ponte nebé halibur. Nune’e, domin lolós ne’e consiste iha fo (dar) laos iha simu (receber). Ba ema nebé laos domin nain, fo ne’e katak halo terus-an ka hasusar-an, maibé, ba ema nebé hatene hadomi no ativo/produtivo “dar é a mais alta expressão da potência. No próprio ato de dar, ponho à prova minha força, minha riqueza, meu poder. Dar é mais alegre do que receber, não por ser uma privação, mas porque, no ato de dar, encontra-se a expressão de minha vitalidade (…) quem é capaz de dar si é rico” (FOMM: 1990: 44-46).
Além de dar iha mos elemento seluk nebé hatudu domin ne’e maka Cuidado, hanesan inan ida nebé fo han, fo hemu, fo hatais, fo haris nia oan, etc.; Responsabilidade katak ato voluntário ida nebé sempre pronto hodi hatan (resposta) ba ema seluk nia bolu no necessidade; Respeito halo oinsá mak atu ema ka sasan ida moris, cresce no sai abundante, laos estraga ka hamate; Conhecimento Fromm hatur iha afirmação “conhece-te a ti mesmo” hodi dehan atu hadomi ema precisa conhece-an uluk, hodi hadomi ema ne’e hanesan ita nia an rasik. Nune’e, Fromm dehan “amor é preocupação ativa pela vida e crescimento daquilo que amamos”. Iha domin nia laran, feto ho mane iha de’it caráter rua “O caráter masculino pode ser definido como tendo as qualidades de penetração, orientação, atividade, disciplina e aventura/dar; o caráter feminino, pelas qualidades de receptividade produtiva, proteção, realismo, paciência, maternidade/receber” (FROMM: 1990: 49-61). Katak domin atu completa liu ne’e tenke iha fo (dar) no mos iha simu (receber), maibe atu feliz ho domin ne’e di’ak liu fo mak barak.
Ikus mai Fromm dehan labarik sira hadomi malu ho princípio “Amo porque sou amado” ha’u hadomi tamba ema hadomi ha’u. Ema bot sira hadomi ho princípio “Sou amado porque amo” ema hadomi ha’u tamba ha’u hadomi sira. Ema nebé la maduro iha domin, hadomi ho princípio “Amo-te porque necessito de ti” ha’u hadomi o tamba ha’u necessita o. No ema nebé maduro iha domin, hadomi malu ho princípio nebé dehan “Necessito de ti porque te amo” ha’u necessita o tamba ha’u hadomi o (FROMM: 1990: 65-66). Tamba ne’e Fromm dehan domin ne’e atitude ida nebé orienta ema nia caráter, hodi determina ema ida nia relação di’ak ho mundo, ho buat hotu, laos de’it ho objeto do amor, tamba “o amor é uma atividade, uma força da alma (…) Se verdadeiramente amo alguém, então amo a todos, amo o mundo, amo a vida. Se posso dizer a outrem, “Eu te amo”, devo ser capaz de dizer: “Amo em ti a todos, através de ti amo o mundo, amo-me a mim mesmo em ti” (FROMM: 1990: 71-72).
Nune’e, Fromm dehan katak domin ne’e essencialmente ato de vontade, ato de decisão nebé halo ema ida entrega nia an tomak ba existente seluk nebé precisa nia. Tamba ne’e domin laos sentimento, maibe decisão, julgamento no promessa. Tamba se domin ne’e sentimento de’it mak sei la iha base ba ema atu hadomi malu ba nafatin iha tempo di’ak no tempo at nia laran. Tamba sentimento ne’e bele ba-mai no bele mos mosu-lakon (FROMM: 1990: 82-83). Nune’e, domin lolós (genuino/autêntico) mak expressão produtividade nian nebé implica cuidado, respeito, responsabilidade no conhecimento. Tamba domin lolós ne’e mosu wainhira ema ida sente katak existente seluk nia necessidade importante liu nia rasik nia necessidade (FROMM: 1990: 86 e125).
5. Amor atual / domin iha tempo ohin loron nian
Tuir Fromm, ohin loron ema maioria moris iha: amor erótico (sexual/romântico), amor neurótico (belit metin ba inan-aman ka ema seluk nia domin nebé halo ema la independente), amor idolatra (halo ema seluk sai tiha nia maromak), pseudo-amor ho termo seluk hanaran amor sentimental, katak domin ida nebé ema sente ka experimenta liu de’it husi sentimento, fantasia ka imaginação (música, filme romântico, romance) laos iha relação concreta husi ema nebé real. Domin ida hanesan ne’e halo ema moris hela de’it iha passado no futuro nunca moris iha presente. Hanoin hela de’it ema seluk nia recordação, ninia rei, ninia hamnasa, ninia hakuak, hanoin hela de’it oinsá hetan doben di’ak ida, laen di’ak ida, uma, motor ka kareta di’ak ida, etc. Nune’e, halo ema la merasa puas ho ida nebé oras ne’e hamutuk hela ho nia (FROMM: 1990: 113-134). Tamba ne’e mak ema dehan, midar iha imaginação, moruk iha realidade ne’e todan. No sira ne’e mak halo ema koko halai husi realidade ka problema sira moris nian. Ikus mai la bele ona, dalan mak tara-an ka oho-an ou halo aborto, hemu droga, racun, baigon ka buka problema, etc.
Tamba ne’e Fromm dehan katak problema ohin loron nian maka, ema hela iha “a ilusão de que amor significa necessariamente ausência de conflito. Assim como é costumeiro acreditar que dores e tristezas, em quaisquer circunstâncias, poderiam ser evitadas, também se acredita que o amor significa a ausência de qualquer conflito” (FROMM: 1990: 135). Nune’e, se nia la bele ona hasoru desafio ka problema sira, maka nia sei negocia nia an iha kantor, iha dalan ninin, iha mercado, iha festa, hanesan de’it sasan oan ida hodi hetan lucro. Basá Fromm dehan “O homem moderno transformou-se num artigo; experimenta sua energia vital como um investimento com que pode alcançar o mais alto lucro, considerando sua posição e a situação do mercado de personalidade” (FROMM: 1990: 138). Buat sira ne’e maka, prostituição (fo an hodi hetan osan), assídua sexual (fo an ba ema boot sira hodi hetan serviço), ema boot no ema rico sira usa osan hodi halo ema ki’ik, liu-liu feto sira hanesan objeto oan ida ba sira nia gosto, perselingkuhan, etc. aliás “El hombre no solamente vende mercancías, sino que también se vende a sí mismo y se considera como una mercancía” (FROMM: 1947: 96). Ho lia badak, katak tempo ohin loron ema laos fan de’it sasan sira, maibe fan an mos.
6. Amor e felicidade
Ligado ho amor atual ida leten ne’e, Fromm dehan “a felicidade do homem moderno consiste na sensação de olhar as vitrinas das lojas e em comprar tudo quanto esteja em condições de comprar, quer a dinheiro, quer a prazo” (FROMM: 1990: 21). Katak felicidade tempo ohin loron nian ne’e consiste de’it iha saida mak “atraente”, feto bonita, mane bonito, sasan furak, capaz, etc. Hanesan de’it ema mirin nebé contente wainhira hare boneka sira ema hatais ho roupa tidin hela iha loja sira nia oin (vitrinas das lojas). No ida ne’e Fromm hanaran felicidade falsa ka momentâneo nebé lori ema ba estraga an hodi halo nia an sai objeto ba ema seluk nia gosto. Nune’e, ema iha tendência boot atu usa ema seluk sai objeto ba ninia prazer, hodi haluha tiha ita ema nia natureza no valor nebé boot no as liu (imagem e semelhança de Deus) (FROMM: 1990: 116). Basá felicidade momentâneo ida ne’e mak bai-bain lori consequências negativas barak liu ba ema nia moris hanesan: merasa minder, moe, la fiar-an, make up, inventa-an, transgender, aborto, sex livre, selingkuh, LGBT, prostituição, violação sexual, incesto sexual (aman ka oan fo oan ba oan feto rasik), tara-an, oho-an, oho malu, baku malu, etc.
Afinal Fromm dehan katak felicidade domin nian ne’e consiste iha união ema nian hodi hasoru desafios no problema hirak nebé mundo ne’e lori mai, basá “no amor encontra-se, afinal, um porto ao abrigo da solidão. Forma-se uma aliança de dois contra o mundo” (FROMM: 1990: 119). Fromm la dehan atu ema rua, grupo (arte marciais, rituais, etc) ka partido halo aliança hodi halo mate ka estraga ema seluk ka buat seluk, maibé hamutuk atu cresce iha amor fraterno, ajuda malu, respeita malu, etc. Tan domin lolós ne’e, halo ema sai produtivo, criativo, desenvolve ninia potência sira, sai independente, cuidado mundo, hadomi nia an, ajuda ema, halo ema ne’e cresce no sai abundante. Tan domin nia sabor ne’e consiste iha fo (dar) laos simu (receber). Nune’e, ema nebé fo no halo moris, ema ne’e feliz. Husi ne’e mak nia fo sentido ba vida, basá “o significado da vida não há de ser encontrado em sua máxima manifestação, mas no serviço a coletividade e nos deveres para a sociedade (…) o homem é sozinho e, ao mesmo tempo, relacionando com outros (…) Sua felicidade depende da soliedariedade que sente com os outros homens, com as gerações passadas e futuras” (FROMM: 1983: 45).
Nune’e de’it mak ita ema nia moris ne’e iha sentido, basá nuudar ema, ita nia domin no felicidade ne’e consiste iha ser laos ter. Atu compreende entre ser no ter, Fromm dehan wainhira ita hetan ai-funan ida nebé ita gosta liu iha jardim ida, iha nebá ita decide atu sai ter ou ser, ita fokit ou o husik? Se ita fokit ita iha de’it modo de ter, se ita husik ita iha modo de ser. Nune’e, nuudar ema ita nia knaar mak buka atu halo moris, laos atu halo mate (FROMM: 1999: 27-28). Tamba ne’e, ohin loron mosu injustiça, problema ambiental no problemas sociais iha fatin-fatin tamba ema barak haluha ona sira nia ser, la iha ona domin, lakon ona sentido da vida, etc. Sira ne’e hotu Fromm hanaran “formas de desintegração do amor na sociedade” (FROMM: 1990: 113).
7. Pratica domin hanesan arte
Uluk nanain Fromm dehan “Amar é uma experiência pessoal que cada qual só pode ter por si e para si” maibe la significa exclui existente seluk (FROMM: 1990: 141). Tan ne’e nia dehan, atu pratica domin ne’e hanesan arte, uluk nanain ita precisa domina uluk teoria no prática hodi halo coerência. No atu iha coerência, ita precisa de’it buat tolu: primeiro, ita precisa disciplina ida nebé necessita ita ema nia estar disposto/vontade própria, liga ba disciplina na inteira vida da pessoa; segundo ita precisa concentração, concentra ba ida nebé iha ita nia oin, ou hakmatek ka focus no haksolok ho ita nia-an no ho buat nebé ita esforço dau-daun /ser capaz de ficar só consigo mesmo, sensível ba nia an hodi rona ninia voz interior, ser capaz de ouvir hodi moris plenamente iha presente, agora e aqui exclui tiha fantasia no imaginação passado no futuro nian; terceiro paciência, katak maske monu maibe hamrik nafatin lao ba oin hodi halo ita manan no hetan buat nebé ita hein no esforço ba. Nune’e, domin hanesan arte, precisa teb-tebes ita ema nia suprema preocupação. Tamba ne’e mak Fromm dehan “quem aspire a tornar-se mestre nessa arte deve começar por praticar a disciplina, a concentração e a paciência, em todas as fases de sua vida” (FROMM: 1990: 142-145). Aliás, atu sai ema nebé domin nain, ka hatene hadomi, precisa disciplina, concentração no paciência iha nia moris tomak. Hanesan mos ema ida hakarak sai pianista nia tenke iha buat tolu ne’e. Se la’e nia sei gagal/falha atu sai pianista (homem falhado).
Ikus liu Fromm dehan, atu ita pratica domin ne’e lolós iha ita ema nia moris maka ita precisa “superação do narcisismo”. Narcisismo bele dehan mos subjetivismo, katak ema nebé buka di’ak ba nia an de’it, nia an mak di’ak liu, furak liu, acumula buat hotu ba de’it nia, usa ema ka sasan sira hanesan meios, atu alcança buat nebé nia hakarak (egocentrismo). Nune’e, Fromm exige objetividade hodi dehan “objetividade; é a faculdade de ver pessoas e coisas tais como são”. Iha ne’e ita precisa buat rua atu halakon narcisismo ne’e maka: razão no humildade. Atu razão ho humildade ne’e cresce, ita precisa fé, maibe laos fé ida religioso nian, simplesmente fé filosofia nian. Tamba ne’e mak nia define fé iha rua: fé irracional nebe halo ema fiar de’it ba ema seluk, liu-liu ema boot sira (submetido/atan), fé racional nebé halo ema fiar nia-an, esforço, criativo no produtivo. Tamba ne’e, Fromm dehan katak base ba fé racional ne’e maka produtividade, nune’e ita moris ho fiar significa ita moris produtivamente (FROMM: 1990: 141-171).
Nune’e, tuir Fromm“ter fé requer coragem, a capacidade de correr um risco, a disposição de aceitar mesmo a dor e a decepção (…) Amar significa entregar-se sem garantia, dar-se completamente na esperança de que nosso amor produzirá amor na pessoa amada. Amar é um ato de fé, e quem tiver mesquinha fé terá também mesquinho amor (…) a capacidade de amor reclama um estado de intensidade, de alerta, de vitalidade acentuada, que só pode ser o resultado de uma orientação ativa e produtiva em muitas outras esferas da vida. Se não se é produtivo em outras esferas, também não se é produtivo no amor”. Ikus liu Fromm dehan “o amor é a única resposta sádia e satisfatória ao problema da existência humana” (FROMM: Loc.Cit.).
Nune’e, domin mak único riku-soin ema (ser humano) nian nebé sempre iha ba existente seluk. Iha nebé de’it no iha tempo sa de’it, wainhira ita la iha buat ruma atu fo, iha nebá domin sempre iha. Nune’e, domin sai hanesan única resposta nebé ita bele fo ba moris ne’e no ba ser hotu-hotu be haleu ita. Portanto, domin hatudu katak ita existe ba ema seluk ka ba buat seluk, maske dala barak ita la iha buat barak (riquezas) atu fo. Tamba iha relação humana nian, domin ne’e ita fo wainhira ita halo caridade ka soliedariedade ba malu, maibé ita partilha domin ne’e ho lolós, wainhira ita la iha riku-soin ida atu fo ba malu. Exemplo, ema ida tanis, ha’u la iha lenço atu fo, maibe ha’u bele fo hakuak ida ba nia, wainhira ema ida moras ha’u la lori paracetamol maibe ha’u bele lori presença ba nia, etc. Iha relação ita ema ho animal ka ai-horis seluk, domin ne’e ita hatudu iha sacrifício. Exemplo, ai-horis ida atu mate ha’u preisa rega nia ho be, animal ida hamlaha ka hamrook ha’u tenke fo han ka fo hemu nia ho duut ka ai-han ruma, etc. Sira ne’e hotu mak domin nebé sempre iha, sai hanesan única resposta nebé ita fo ba moris ne’e no ba existente seluk.
Conclusão
Iha tempo clássico/antigo nian, ema concebe domin ne’e hanesan buat nebé fo alegria ka fo ksolok de’it ba ema, maske Platão lori ba monta iha leten as ba /uno bem. Iha tempo medieval ema muda tiha sentido husi concepção ne’e ho Cristo nia presença hodi hatur paixão nebé engloba domin ho sofrimento, hanesan oin rua iha osan ida. Iha tempo moderno nian ema maioria concebe domin ne’e iha nível sensitiva/sentimento nian de’it, hodi halai liu ba amor sexual/romântico hodi dada mai to’o ohin loron concepção ba amor sexual/romântico ne’e sa’e makás. Nune’e, sira haksolok liu wainhira simu (receber) do que fo (dar).
Husi ne’e, influência ema barak hatene katak domin ne’e mak sentimento hodi hakloot de’it ba ema namora malu, selingkuh malu, rei malu, hakuak malu, toba hamutuk, etc. Nune’e, tuir Fromm sentimento laos refere ba fuan (coração), fuan ne’e parte interna/divina, no sentimento ne’e externa, cinco sentidos nebé lori bei-beik foer ka sala ba hafoer coração nebé santo. Tan ne’e, nia hanorin buat di’ak ida, katak domin ne’e laos sentimento, maibe hanesan arte nebé precisa coerência entre prática no teoria hodi necessita ato de vontade, ato de decisão, julgamento, promessa, cuidado, respeito, responsabilidade no conhecimento (Philia no Ágape) be halo ema sai criativo no produtivo. Sira ne’e hotu sai hanesan única resposta ba problema ita ema nia existência moris nian. Tamba ne’e, domin mak única resposta nebé ita fo ka responde ba ita nia moris rasik, ba ema seluk no ba buat hotu nebé existe iha mundo wainhira sira evoca ita ema nia consciência da responsabilidade/responder. Nune’e, felicidade ka sabor domin nian ne’e consiste iha fo (dar) laos iha simu (receber), maske sira nain rua completa malu. Husi ne’e mak halo ita hatene sentido da vida hodi fo valor ba vida ne’e rasik nia existência hodi respeita mos existente seluk (amor autêntico).
Referências
FROMM, Erich, Arte de Amar, Trad. Milton Amado, Editora Itatiaia Limitada Belo Horizonte, 1990.
_______, La vida auténtica, Trad. Marta Pino Moreno, Paidós: Barcelon, Buenos Aires, Mexico, 1947.
_______, Análise do Homem, 13ª Edição, Zahar Editores, Rio de Janeiro, 1983.
_______, O Medo à Liberdade, Trad. Octávio Alves Velho, 14º edição, Zahar Editores, Rio de Janeiro, 1983.
_______, Ter ou Ser?, 2ª Edição, Trad. Isabel Praga, Editorial Presença, Lisboa, 1999.
PLATÃO, Diálogos: Protágoras, Górgias, o Banquete, Fedão, Trad. Carlos Alberto Nunes, Universidade Federal do Pará, 1980.
_______, Fedro, 6ª edição, Trad. Pinharanda Gomes, Lisboa Guimarães Editores, 2000.
ARISTÓTELES, Metafísica, Trad. Vincenzo Coceo, Editor Victor Civita, Abril S.A. Cultural, São Paulo, 1984.
BÍBLIA SAGRADA (BS), 1ª Edição, Difusora Bíblica, Lisboa, 2015
SPINOZA, Benedictus, Tratado da Correção do Intelecto: Ética, Trad. Marilena de Sousa Chauí (et al), 3ª edição, São Paulo, Abril Cultural, 1983.
REALE, Giovane – ANTISERI, Dario, História da Filosofia Pagã Antiga, 2a Edição, Vol. I, Trad. Ivo Storniolo, São Paulo, Paulos, 2003.
ABBAGNANO, Nicola, Dicionário de Filosofia, Trad. Alfredo Bossi, 5ª Edição, São Paulo: Martins Fontes, 2007.
DALFOVO, Daniel David, Um Estudo Sobre o Amor: Diálogos entre Sigmund Freud e Erich Fromm (Monografia), Itajai, SC, 2009.
FUNK, Rainer, A Filosofia Humanista de Fromm como Ciência do Homem, In Revista Espaço Académico –No. 110 – Julho de 2010.
Dsavid Martins, Estudante ISFIT, II ano de Teologia