Liafuan domin/hadomi iha lian latina “Amare” nebé iha lian portuguesa mosu nu’udar “amor” nebé utiliza hodi designa ita nia sentimento “gosta de algo ou alguém” tan ne’e hadomi ne’e mai husi ita nia fuan laran, wainhira ita manifesta ba buat ida ou ema ida. Hadomi ne’e hatudu ita nia sentido pertence ba ema ida no buat balun; nune’e hadomi ne’e laos refere de’it ba ema maibé ba sasan ruma ou refere mos na substantivo. Ação concreto husi hadomi mak cuidado, respeita, considera, aprecia no atenção. Hadomi ne’e labele pronuncia de’it iha liafuan maibé tem que iha coerencia ética, significa homem da palavra, ka ha’u koalia no ha’u halo. Iha ema balun la koalia kona ba hadomi maibé nia ação sira pronucia hadomi exemplo ita hare ita nia inan ho aman sira nunca dehan ha’u hadomi imi maibé sira nia ação tomak nudar inan ho aman: cuidado, protege, motivador ou motivadora, prontidão no pasciência hirak ne’e mak mostra ba ita katak sira hadomi ita.
Ohin loron jovem sira aumenta idade no nível académica maibé la hatuur diferença entre domin inan ho aman nian ho namorado no namorada, tanba saida mak ha’u dehan nune’e? tanba realidade hatudu katak jovem sira lakon liu tempo hodi koalia ho doben do que família, desinterese ba domin inan ho aman nian. Tanba saida mak ida ne’e mosu? tanba “tauk lakon” wainhira ita tauk atu lakon namorado ou namorada ida ne’e katak ita hahú ke’e kuak ba ita nia jornada basá domin ne’e labele lakon maibé ita so lakon de’it ita nia jodoh temporário. Tanba ne’e labele tauk atu lakon doben basa domin nebé loloos mak ne’e “Hadomi ema ida maibé nia la hadomi ó ne’e mak valor nebé boot liu iha domin” basá domin la exige nia recompensa maibé exige de’it mak fuan boot atu simu domin nebé ema seluk partilha.
Hadomi ne’e laos facil basá hadomi ne’e exercício interior mai ho ita nia conciência hodi atribui domin ne’e ba ema nebé ita hadomi. Wainhira ita celebra Valentine’s Day, loron nebé especial ba jovem sira, maibé buat nebé importante atu celebra ne’e relação íntima ho domin laos presente. presente ne’e nudar meio ida de’it atu manifesta maibé tenke encarna aan domin nebé loloos, labele presente furak maibé hafalun aan hela ho fingimento, traição nst… tanba ne’e wainhira celebra dia dos namorados fila-fali ba ita nia aan hodi reflete ba andamento durante ne’e tuir duni domin nia hakarak ou lae? corrige e fortifica buat nebé di’ak ona durante amizade nu’udar namorados.
Buat nebé ha’u hakrak dehan iha ha’u nia opinião ne’e mak ne’e hadomi ne’e tenke halo sacrificio significa halo buat hotu ho fuan no laran tomak ba ema nebé ita hadomi. hadmi ne’e tenke tahan an husi hirus, odio, vingança, ciúme nst… Maibé nakonu de’it ho amoroso, carinho no misericórdia. Hadomi ne’e husik livre maibé fo atenção ne’e la significa ser controlador ba ema nia vida maibé faz parte iha ema nia moris hodi completa malu hanesan: serviço hamutuk, colobora ba malu, hodi lori too iha fim último da vida mak felicidade. Nune’e mak hadomi ne’e tenke sacrifício. Sacrifíco nebé lolos, laos to’o de’it iha empatia no simpatia maibé tenke to’o iha compaixão significa sente terus no susar hamutuk “Ninguém tem mais amor do que quem dá a vida pelos seus amigos”(Jo.15,13). Nune’e mak tema ne’e dehan Amar é sacrifício. sacrifício mak domin nebé boot liu basá oferece aan dedica tempo no la hanoin nia aan maibé hanoin ba ema seluk nia di’ak; exemplo mak ita nia mamá nebé nu’udar única pessoa nebé oferece aan tomak ba oan sira nia di’ak. Domin hanesan liafuan mamuk ida nebé la vale wainhira ema hato’o ba malu husi ibun de’it dinámica domin ne’e sei hatudu nia aan loloos wainhira ita hatene halo sacrifício.
Ema dehan domin ne’e abtracto, sim é claro, maibé na realidade domin ne’e manisfesta iha acão concreta basa ne’e “motivo interior” significa buat nebé ita halo ne’e book husi ita nia fuan no fuan ne’e nu’udar kadoras nebé bele kanaliza domin ba ema seluk. Então domin nebé loloos ne’e mak ida nebé? domin ne’e loloos mak sacrifício. wainhira ita halo sacrifício significa buat nebé mai por vontade e conciência, tanba ne’e wainhira ita iha vontade barak katak aumenta hadomi. Tanba ne’e domin experiemnta pesosal iha ema “Amar é uma experiência pessoal que cada qual só pode ter por si e para si”( Erick FRONN, Arte de Amor).
Domin ne’e laos buka di’ak maibé domin ne’e sacrifício, significa domin la exige recompensa maibé exige humildade hodi reconhece ema seluk nia sacrifício. Domin “oferece tudo” halo buat hotu tuir vontade maibé domin mos sukat ho racional katak precisa educa mos ita nia vício sira nebé lori ba arogância. Domin ne’e pertence na misiricórdia tan ne’e arrogância ba domin ne’e inimigo basá domin necessita de’it mak humildade no paciência. “Amor é paciente, bondoso, não tem inveja, não é orgulhoso,arrogante nem escandoloso; não age por interesse, não se irrita, não guarda ranchor; não se alegra com injustica, mas alegra-se com verdade. Amor tudo desculpa, tudo crê,tudo espera,tudo suporta. o amor nunca acabará.(Cf.1Cor 13)’’
Domin ne’e dala ruma lori ita ba arogância, ne’e causa tanba ita la educa ita nia paixão, tanba ne’e arrogância ne’e laos natureza husi domin basá domin ne’e exige paciência no humildade, paciência no humildade mak essência husi domin. Tanba ne’e ita koalia kona ba domin tenke moris iha domin no fahe domin ida ne’e ba ema seluk, ema nebé hanoin di’ak sei hetan buat nebé di’ak hanesan provérbio dehan “think the best do the besst and you can get the best”.
Conclusão
Ita labele hamo’ut an iha parencia katak hare ba furak iha oin, isin di’ak, bonito no bonita estilo de vida diferente iha sociedade, nia conhecido ou nia iha osan barak honestamente ne’e laos domin maibé ambição ba aparência no ida ne’e laos domin maibé ne’e necessidade tanba ne’e domin ne’e precisa ida nebé escolha por coração não por vista. tan ne’e iha provérbio ida dehan: don’t love the beauty, because one day it ends; do not love for admirations because one day it dissapoints.; Just love, time can never end up with a love without explanation. Tanba ne’e atu hetan domin nebé loloos halo sacrifício ba domin ne’e, buat nebé o kuda ohin aban o sei kuu nia fuan nebé tebar.
Miguel Rodrigues
Estudante 40 Ano de Filosofia, ISFIT