ISFIT CELEBRA LORON DOMIN HO TIPO ACADÉMICO

Sr. Lizério Dias: “Domin ne’e precisa halo esforço no sacrifício”

DILI-Instituto Superior de Filosofia e de Teologia Dom Jaime Garcia Goulart Fatumeta, Dili, Timor-Leste (ISFIT) celebra loron DOMIN ho Seminário nebe organiza husi Vice-Reitor III assunto estudantil hamutuk ho Senado Geral, Senado da Faculdade de Filosofia e Teologia iha Salão ISFIT (Segunda/14/02/2022).

Participa iha atividade ne’e Magnífico Reitor do ISFIT Rev. Pe. Justino Tanec, Ms. Teo ho Vices-Reitores, Decano das Faculdades de Filosofia e de Teologia, Responsáveis hosi casa formativa sira, seminaristas husi Seminário ano Propedêutico Maloa no estudante sira husi Faculdade rua ISFIT nian. Seminário ne’e partilha husi Sr. Lizério Dias (Orador I) ho nia tema “O verdadeiro Amor que acrreta os jovens para um futuro próspero” no Sra. Sándra Tilman (Oradora II) ho nia tema “A verdadeira partilha do amor na vida dos jovens” no seminário ne’e modera husi estudante David Martins (I^o ano husi Faculdade de Teologia).

Iha intervenção Sr. Lizério Dias deseja atu participante sira hotu paratica Domin ho caracter esforço no sacrifício “Domin ne’e nia força boot tebes. Hanesan ita observa iha jovens na’in rua nebe atu hasoru malu, maske udan oinsa mos sira tenki hasoru malu. Ne’e hatudu katak Domin ne’e precisa halo esforço no sacifício” hateten Sr. Lizério Dias.

Segunda Oradora Sra. Sandra Tilman iha nia vez aprecia ho talento eh matenek ida hanesan poeta. Tamba poeta sira bele usa lia-fuan hodi hamonu ema nia fuan “Ha’u hanesan poeta ida, ha’u hateten katak Domin ne’e mai husi lia-fuan. Tamba ami bele lori lia-fuan hodi hamonu ema nia fuan” dehan Sra. Sandra Tilman. Expressão hirak ne’e segunda oradora baseia ba nia experiência hanesan Poeta no hanesan mos família nebe harí ona durante tinan rua nulu nia laran. Orador sira mos haré ba DOMIN hodi toca realidade iha rai Timor-Leste nebe oras ne’e dau-dauk sai polémica ba moral Cristã no moral social nu’u sociedade timoresnse nebe hahú mihis tamba jovem sira pratica sala Domin.

Remata seminário iha intervenção Magnífico Reitor Rev. Pe. Justino Tanec, Ms.Teo, hateten katak ho seminário ne’e bele ona completa educação principal iha ISFIT “ho seminário ne’e bele ona hatan no completa liu tan educação principal iha ISFIT. Tamba ISFITI la forma de’it ema iha Kakutak maibe forma mos ema iha Fuan. Nune’e wainhira kakutak ho fuan la’o hamutuk mak halo ema sai intergrado” hateten Padre Reitor. Magnífico Reitor mos parabeniza no agradece ba orador sira no Vice-Reitor III assunto estudantil, Senado Geral, Senado das duas faculdades nebe seviço maka’as hodo fo sucesso ba tividade académica ne’e.

Iha intrevista ho Senado Geral estudante Francisco da Ressureição Barros hateten katak iha objetivo rua nebe importante “husi celebração loron DOMIN ne’e mak iha rua: 1. Atu hametin unidade estudantil no 2. atu fo cor seluk iha ámbito académico mak la’os de’it troca presente maibe  seminário” hateten Senado Geral Farncisco. Nia hatutan tan katak ita hein vantagem husi atividade ne’e bele fó direção foun ba sira iha prática domin nebe lolos hanesan amantes de sabedoria.

Depois de seminário, participantes sira ba visita estandarte sira nebe indicado ba cada classe hodi hatudu sira nia creatividade hodi prepara hahan tradicional, bebida tradicional nst.. hodi hatudu DOMIN la’os de’it ba ema maibe mos ba comida e bedida tradicional Timor nian.

Média-ISFIT, deseja ksolok loron DOMIN nia ba amantes de sabedoria sira hotu iha ISFIT!