DILI-Instituto Superior de Filosofia e de Teologia de Dom Jaime Garcia Goulart (ISFIT) halo lançamento ba jardim ba campus ISFIT nebé coincide ho loron São Farncisco de Assis [patrono da ecologia]. Participa iha atividade extracurricular ne’e: Reitor ISFIT ho nia estrutura, funcionários, estudantes husi Faculdade de Filosofia no atividade refere hala’o iha salão ISFIT (Fatumeta/04/10/2022).
Haré ba realidade nebé ISFIT hasoru dentro do complexo iha campus, baseia ba Papa Francisco nia carta encíclica “Laudato Si” sai inspiração boot ba ISFIT hodi hahú hakat ba aplicação. Inspiração ida ne’e sai forte liu tan wainhira iha acreditação programática ba Faculdade de Filosofia, Avaliador internacional husu konaba “Campus Matak” hafoin ISFIT hetan visita husi Vice-PM e Substituto de Secretaria de Santa Sé, Cardeal Edgar Peña Parra mos toca assunto nebé hanesan.
Ho nune’e, iha intervenção Reitor ISFIT Pe. Justino Tanec hateten ita precisa cuidado ISFIT hanesan ita hotu nia uma “Relaciona ho acreditação programática, avaliador internacional toca konaba [green campus] hafoin Cardeal Edgar Peña Parra mos toca assunto nebé hanesan wainhira nia mai visita ISFIT. Tamba ne’e, aproveita loron São Francisco Assis nian ne’e, ita halo lançamento ba jardim ISFIT hodi hahú aplica Laudato Si” dehan Pe. Jsutino. Hafoin Pe. Justino acentua liu tan ba estudante sira “husu ba hotu-hotu, precisa cuidado ISFIT hanesan ita nia [Casa Comum]”.
Iha biban hanesan, responsável ba desenho jardim refere Pe. Francisco da Costa salienta saida mak Reito apresenta ona. Responsável ne’e explica konaba jardim ne’e hafoin hetan abertura husi Pe. José F. de J. P. de Araujo nu’udar Gabinete Jurídico ISFIT nian. Depois de apresentação continua kedas ho divisão do trabalho tuir classe.
Molok atividade ne’e hala’o, dader iha oras tuku 10:30 Htl Média-ISFIT halo programa “Goulart Talk” ho edição extra be conicide ho festa São Francisco de Assis nian no ko’alia konaba “Medidas certas e efetivas para o cuidado do ambiente na luz de Laudato Si”. Orador sira mak hanesan: Pe. Francisco da Costa no Frei Yoseph Jawa, OFM Cap no modera hosi estudante teologia Eliziano Quintão. Atividade ne’e mos hetan participação máxima husi estudante sira. Hafoin de atividade sira ne’e hotu, iha mos atividade reflorestação hale’u complexo campus ISFIT nebé organiza husi Assistente Técnico, Assunto Estudantil Sr, Américo.
Média-ISFIT
Júlio de Jesus