Introdução
Liberdade contra poder ne’e teoria ida nebé ha’u foti husi Norberto Bobbio nu’u roman ba ha’u atu hakerek artigo ne’e. Maibe, iha artigo ne’e ha’u sei la hatur barak Bobbio nia concepção, tan interessante mai ha’u mak atu liu husi Bobbio ha’u bele hare saida maka Nicolau Lobato nia posição kona ba povo Timor nia liberdade contra poder estrangeiro no rai laran nian.
Artigo ne’e ho objetivo atu hare no reflete kona ba povo Timor nia realidade atual hodi liga ba liberdade contra poder iha fase tolu: colonialização, invasão no abuso de poder iha fase independência nian, hodi tetu no sukat, atu ita ba hili ita nia ukun nain sira nebé sei ukun rai ne’e iha período tuir mai. Nune’e, ha’u sei desenvolve artigo ne’e ba pormenor 5 hanesan tuir mai ne’e.
- Conhecimento badak kona ba Norberto Bobbio
Norberto Bobbio nudar filósofo no jurista italiano ida nebé moris iha 18 de Outubro de 1909 iha rai Piemonte, Turim, Italia, no mate iha 9 de Janeiro de 2004 (Cfr. Bobbio, 1997, p. II). Durante nia moris nia hakerek livro lubuk ida hodi defende povo kik sira nia direito, liberdade, dignidade no valores humanos perante abuso do poder no ukun nebé sabraut. Nune’e, ninia teoria “Liberdade contra poder” (Bobbio, 1994, p. 20) mosu wainhira povo Italia tama iha nakukun ka abismo boot ida nebé cria husi estado Benito Mussolini nia ukun ho força regime ditadura totalitária nian iha tinan 1922 to’o 1943. Força ida ne’e halo com que povo kiik sira lakon tiha sira nia liberdade no igualdade até que lakon mos sira nia direito no dignidade humana. Nune’e, teoria liberdade contra poder mosu hanesan naroman oan ida atu contrapõe nakukun boot ida ne’e.
Ho teoria ne’e Bobbio hakarak hamrik iha povo nia sorin hodi defende povo kik sira nia liberdade, direito, dignidade perante ukun nebé lalos ka abuso do poder sira nebé manipula bebeik povo nia moris, liu-liu nia hakarak contra Benito Mussolin (Cfr. Carlos, 2020, p. 96). Tan ne’e, liberdade contra poder ne’e bele dehan dicotomia ka contraste ida entre povo no estado, ema ida ho ema seluk, grupo ida ho grupo seluk, ka nação ida ho nação seluk.
- Timor nia liberdade nebé tama iha nakukun laran hanesan iha Egipto
Iha caso hanesan leten ne’e, ita Timor mos pernah alami ona. Caso hirak ne’e consiste iha fase rua. Primeiro, Timor uluk seidauk iha estado, povo luta contra estado ka poder monárquico Portugal nian be hanaran colonialização, governado husi Salazar. Segundo, wainhira liu tiha colonialização Portuguesa, mosu fali mai estado Indonésio nebé mai ho regime ditadura be hanaran Invasão ou ocupação ilegal Indonésia, governado husi Soeharto. Iha fase rua ne’e maka ita hare Bobbio ninia teoria liberdade contra poder funciona iha Timor. Tamba ne’e liberdade contra poder significa povo Timor contra estado Portugal no Indonesia nian. Povo contra tamba sira sente lakon sira nia liberdade no direito fundamental sira no sente oprimido, nune’e mak sira luta atu hetan “Uma Terra livre para Gente livre” (Lobato, 2018, p. 228).
Iha fase colonialização Portugal no ocupação Indonesia nian ne’e, povo Timor Leste sente hanesan tama hela iha nakukun boot ida. Maibe husi nakukun boot ida ne’e nia laran mak ita hetan Intervenção divina ida, tan iha terus laran ne’e Maromak mos nunca husik nia povo ne’e mesak hodi leno naroman oan ida ba povo Timor nia ulun laran esperança foun ida be hanaran Independência ka Ukun rasik an. Roman ne’e lakan mai iha 25 de Abril de 1974 ho revolução dos cravos, iha Portugal (Cfr. Lobato, p. 136).
Iha fase rua ne’e povo laos lakon de’it liberdade maibe mos terus, mate, fakar ran, ruin lahuk, etc. Ema lori poder oprime Povo Timor liu fali Mussolini oprime povo Italia ka liu fali Farão oprime Israel oan sira iha Egipto. Maibe actos ne’e la permanente, tan iha Italia povo luta hodi ikus mai sira hasai an husi nakukun boot ne’e. Nune’e mos hanesan iha Israel Maromak haruka Profeta Moisés ho Josué ba luta hodi hasai tiha israelita sira hodi lori ba terra prometida Cana, nebé nakonu ho susu wen no bani wen. Iha Timor ita mos hetan Intervenção Divina ida ne’e. Compara karik, figura rua iha Timor nebé hanesan profeta Moisés ho Josué maka Nicolau Lobato ho Xanana Gusmão, tan Lobato dehan “Independência Total para o Povo de Timor –Leste como a única solução política, justa e válida” (Lobato, p. 111), no tuir mai Xanana dehan “Libertada a Pátria, libertemos o Povo substitui Resisitir é Vencer e A luta continua em todas as frentes” (Xanana, 2012, p. 20). Maibe keta haluha, tan Lobato afirma tan liafuan kmanek ne’e “E que a ideia de Liberdade, o desejo de independência nasce com o Povo, vive com o Povo, pulsa todos os dias no coração do Povo” (Lobato, p. 80). Iha afirmação tolu ne’e, afirmação ida terceiro mak sai base fundamental no inquestionável ba afirmação rua seluk. Nune’e, luta ba liberdade ka ukun rasik an ne’e ninia centro mak povo kik sira.
Nune’e, ita hare no hatene momós ona katak liberdade ne’e povo mak mehi, povo mak luta no povo mak conquista tan sira sente oprimido hanesan Lobato dehan “O nosso povo precisa, reclama libertar-se porque é e sente-se oprimido. Oprimido por mil e uma enfermidades que o colonialismo criou e agravou, sofrendo a miséria da fome e doença crónicas. Oprimido pela cegueira da ignorância, do obscurantismo multissecular, pelas chagas sociais da prostituição, venalidade e corrupção de toda a ordem. Oprimido pela indiferença e egoismo de muitos de seus próprios filhos que, não obstante a responsabilidade tamanha que sobre os seus ombros pesa, fogem mesma responsabilidade e fazem ouvidos de mercador aos gemidos do povo miserável e desdenham oferecer um dedo que seja para o levantar da lama da exploração do homem pelo homem” (Lobato, p. 100)
Iha afirmação ne’e, ita le ho neon laran tomak ita compara karik, povo Timor terus at liu fali povo Italia nebé Mussolini oprime, at liu mos povo Israel sira nebé Farão oprime iha Egipto, tan povo Israel terus iha ema nia rain, ita fali terus iha ita nia rain rasik, povo Israel simu de’it opressão hanesan trabalhos forçados, baku, insulta, ita fali oprimido ho violação sexual, homicídio ba labarik kikoan no boot sira, fakar ran, mate, etc. Tamba ne’e opressão nebé povo Timor oan simu husi nação seluk ne’e terlalu sadis. Maibe iha kesadisan ne’e nia laran Maromak mos nunca taka matan hodi fo ema nain rua Lobato ho Xanana nebé importante liu hodi organiza vontade popular ne’e ba to’o ukun an. Tuir Filósofo boot Platão ho Aristóteles karik, sira nain rua mak governante-filósofo ka governante nebé matenek iha kakutak tan hatene sai husi nakukun ba buka naroman no fila fali mai lori povo mos ba naroman ida ne’e. Paradigma furak ne’e maka o pai da ciência política Platão contempla iha nia alegoria mito da caverna nian (Cfr. República, 2000, Liv. VII, 514a-517a).
Nune’e, se ita hare tuir alegoria bíblica nian, povo Timor ohin loron Lobato ho Xanana lori ba moris tiha ona iha terra prometida nia laran, nebé nakonu ho susu wen no wani wen. Iha Timor susu wen no wani wen ida ne’e idêntico ho princípio de Igualdade no Liberdade, ho tan valor humano sira seluk nebé consagra iha CRDTL. Se hare tuir alegoria platónica nian kona ba mito de caverna karik, povo Timor oras ne’e hetan tiha ona naroman lolós nian ka to’o ona ou alcança tiha ona verdade nebé ita hein maka independência ka ukun rasik an.
E iha ukun an ne’e nia laran maka de maneira teológica nian Santo Padre afirma iha 13 de Outubro de 1989, iha Tasi-Tolu nebé dehan imi mak masin no naroman mundo nian. Afirmação ida ne’e metin iha povo Timor nia ulun laran hodi lori sira ba hatudu iha dia 30 de Agosto de 1999 kona ba actos consulta populra nian. No ikus liu maka taka ho ita nia restauração da independência iha 20 de Maio de 2002, hodi hetan reconhecimento husi mundo internacional katak ita hetan ona Liberdade plena mak independência ka Ukun rasik an.
- Povo Timor sai husi nakukun laran, nuudar iha ona terra prometida Cana
Nune’e, iha 20 de maio de 2002 mai leten, povo Timores sente ona at home, hanesan Lobato dehan “Rai Timur agora uma hanesan ita nian ona. Uma nain mak ita. Loke ka taka odamatan, ita mak loke ita mak taka” (Lobato, p. 371). Afirmação ne’e liga kedas ba Ukun rasik an nebé diferente ho termo Independência. Tamba ukun rasik an ne’e questão internal ka individual nian, no Independência ne’e questão external entre nação ida ho nação seluk. Nune’e, koalia konaba liberdade, povo Timor hetan ona ninia liberdade plena, tan povo ne’e rasik mak luta ho kosar wen no fakar rasik nia ran hodi conquista nia liberdade ne’e, basá “A libertação não é uma dádiva; é uma conquista; todos os povos lutaram para a conquistar” (Lobato, p. 90). Tan ne’e, ohin loron povo Timor merece goza nia liberdade tuir procedimento nebé CRDTL hatur ona, laiha ema ida mak viola fali CRDTL hodi manipula mos povo nia vida, liberdade, dignidade, etc.
Tan ne’e, agora la tempo ona atu ukun nain sira abusa bebeik poder ka buka bebeik de qualquer maneira hodi oprime bebeik povo no lori bebeik povo ne’e ba nakukun laran ou falsidade laran tan de’it interesse pessoal ka política nian. Tamba povo ne’e rasik luta no hatene moris ona iha verdade no naroman laran. Se ema ida ou ukun nain ida maka lori fali nakukun ba povo ka manipula fali verdade nebé povo hetan ona, ne’e hanesan halo traição ba rai ida ne’e no sai inimigo ba povo ida ne’e. Hahalok hanesan ne’e maka Lobato dehan “eles são inimigos do povo e traidores da pátria” (Lobato, p. 165). Konaba ida ne’e mos, mak Papa Francisco dehan “Pecador sim mas traidor não”. Ne’e atu dehan, iha política ka vida social nia laran ita bele halo sala, maibe laos sai traidor hodi explora fali povo nia vida no manipula ka fura fali lei tun sae hodi viola valores humanos ka dignidade povo no nação nian hodi enfeita fali rai doben ne’e ho conceito at sira hanesan nação fraca, estado falhado, estado patina, etc.
- Valores Constitucionais CRDTL
Iha ne’e ita bele questiona, tamba sa maka conceito at sira leten ne’e enfeita bebeik ba rai ida ne’e? Resposta simples, tamba ukun nain sira la respeita CRDTL. Ukun nain sira la uza CRDTL sai hanesan solução ba problema nação no estado nian, maibe uza fali criatividade pessoal, grupo, partidária, etc. Nune’e sira lori bebeik povo, estado no nação ne’e monu bebeik ba nakukun no falsidade laran. Husi ne’e mak ita lakon Unidade Nacional, no ita nia Interesse Nacional mos la claro. Nune’e, ita falha bebeik iha ita ninia ponto de partida (pp) no ponto de chegada (pc) nebé dehan “tendo em vista a construção (pp) de um país justo e próspero (pc) e o desenvovimento (pp) de uma sociedade solidária e fraterna (pc)” (CRDTL, Preâmbulo).
Ponto de partida no ponto de chegada ida leten ne’e consagrado, tan baseia ba luta nebé povo halo ho fakar ran no kosar wen hodi hamosu princípio fundamental ida nebé identifica ita nia rai ne’e hanesan “A República Democrática de Timor-Leste é um Estado de direito democrático, soberano, independente e unitário, baseado na vontade popular e no respeito pela dignidade da pessoa humana” (CRDTL, Art. 1º. Nú. 1º). Iha ne’e, vontade popular ho dignidade da pessoa humana mak as liu hotu, aliás povo mak boot laos ukun nain sira. Nune’e iha estado de direito democrático nia laran POVO mak CRDTL no CRDTL mak POVO. Ba ida ne’e mak Bobbio mos dehan “Os mecanismos constitucionais que caracterizam o Estado de direito têm o objetivo de defender o indivíduo dos abusos do poder” (Bobbio, 1994, p. 20). Tan ne’e ukun nain ida viola ka fura CRDTL hanesan mos nia viola ka fura POVO nia vida, vontade, direito no ninia dignidade humana. Violação ida ne’e ita hare iha abuso do poder ukun nain sira nian, hodi fiar an katak iha estado democrático nia laran sira mak ukun ka domina buat hotu hodi haluha tiha princípio legal nebé dehan “A soberania reside no povo, que a exerce nos termos da Constituição e o Estado subordina-se à Constituição e às leis” (CDTL, Art. 2º. Nú. 1º e 2º). Husi ne’e ha’u bele dehan, ita nia nação la fraca, ita nia estado mos la patina, nem falhado, maibe sira be patina ka falhado ne’e maka pessoa sira nebé kaer cargo hanesan PR, PM, PPN, PTR, tan sira mak hanesan responsável máximo iha orgão de soberania nia laran, no orgão soberania ne’e laos refere ba ofício ka sasan maten ida, maibe refere ba pessoa sira nebé assume knar iha nebá.
Nune’e mos, iha estado de direito democrático nia laran ne’e, vontade popular mak sai sasukat atu sukat governo ida ninia governação ne’e diak ou la’e. Sasukat ne’e ita hare iha realidade sira, iha média, iha sociedade, iha rádio, iha jornal, iha TV, etc. Se ema fo parabéns, ema louva, ema hahi ba ukun nain sira, ne’e katak governo ne’e ukun di’ak, maibe ema hatudu desgosto hanesan insulta, tolok, hotar, trata no la respeita ukun nain sira, ne’e katak sira ukun la diak, sabraut, nst.
- Tetu no sukat hodi Prevê ba eleição sira tuir mai
Timor nia processo de libertação, ita hare husi período de colonialização, invasão indonesia no mos independência mai ne’e, povo halerik la para rai, halerik tamba funu, halerik tamba hamlaha hamrok, mate, etc. Sira ne’e hotu fenómeno ida nebé hatudu katak povo nia moris, nação no estado nia moris mout bebeik iha nakukun laran ida nebé dificil liu atu ita haksoit sai. Maibe, Lobato dehan tiha ona atu haksoit sai husi nakukun boot sira ne’e ita precisa “Esforço intelectual, esforço moral, esforço físico, esforço individual, esforço colectivo, esforço monetário, tudo isso será exigido a todos nós que somos o povo de Timor-Leste e, portanto, preparemo-nos, criemos em nós o espírito de disponibilidade para não resgatear os sacrifícios que nos forem exigidos” (Lobato, p. 104). Ida neduni mak idêntico ho ita Timor nia responsabilidade nuudar Timores, maibe tuir Lobato “Responsabilidade significa mais trabalho, mais esforço, mais vigília, mais austeridade, mais renúncia ao proveito imediato, mais esquecimento de comodidade pessoal, mais abnegação, mais coragem, mais consciencialização, em resumo têm ideal na vida” (Lobato, p. 90).
Ita nia qualidade humana no intelectual sira ne’e ita sei hatudu iha nebé? Ita sei hatudu iha eleição sira nebé ita se halo iha tempo tuir mai. Tan ne’e, mai ita sukat, tetu no hili líder nebé bele hatene lori ita sai husi nakukun no falsidade laran hodi lori ita ba moris iha naroman no verdade nia laran. Hili ema ida nebé hatene respeita CRDTL, hodi tane as povo nia vontade, povo nia direito, povo nia liberdade no povo nia dignidade humana. Se la’e, hili sala ka tu sala, ita lao sala dalan no hela bebeik iha nakukun laran hanesan la livre, ema hanehan bebeik ita ho força política, ema halo bebeik exploração do homem pelo homem, hanesan uluk ema hananu, malae sira be hadau ita nia sasan, boot sira be lohi ita, nuudar ita nia poeta Borja da Costa dehan, sira Susu ita rai bokur ita isin bokur (Lobato, p. 420).
Ba ida ne’e nuudar povo ita nia luta em marcha nafatin, basá Lobato dehan “O povo de Timor-Leste está recosntruindo com o seu próprio suor, com o seu próprio sangue uma Pátria revolucionária e democrática. Uma Terra livre, para Gente livre” (Lobato, p. 228). Nune’e, ba presidente ka líder sira nebé atu ukun ita, iha período tuir mai, ita mak sei hili, maibe Lobato mos dehan ona ba sira “para libertar o povo, é preciso que cada um se aperte primeiro de si mesmo. É preciso libertamo-nos dos nossos preconceitos, da nossa autosuficiência, da nossa sobracena do nosso comodismo, no nosso fraco sentido de responsabilidade” (Lobato, p. 102).
Conclusão
Povo Timor oras ne’e moris ona iha naroman laran, nebé halo nia hatene an no hatene ukun nia an iha rai ida nebé independente, tan ne’e, povo oras ne’e tempo ona atu goja nia liberdade tuir CRDTL haruka. Basá povo mak mehi, povo mak luta, povo mak sosa ho ran no kosar wen, nune’e povo mak conquista rasik nia liberdade ne’e husi opressor sira. Tamba ne’e ukun nain nebé ukun rai ne’e, tenke respeita povo nia vontade popular, nia direito, nia dignidade humana no nia valores humanos no morais sira seluk tan, tuir lei haruka.
Ukun nain ne’e tenke ema nebé hadomi povo, hadomi lia los, hadomi Unidade Nacional nebé foca ba Interesse Nacional, hodi la lori bebeik povo ne’e ba nakukun laran ka falsidade laran, maibe lori povo ne’e ba goja ninia ukun rasik an ho nia liberdade individual no social. Ukun nain ida ho modelo hanesan ne’e ita mak sei hili. Tan ne’e, mai discerne, tetu no sukat hodi vota ka hili didiak iha eleição tuir mai.
Fontes
BOBIO, Norberto, Liberalismo e Democracia, Trad. Marco Aurélio Nogueira, 6ª Edição, Editor
Brasiliense, 1994
______, O tempo da memória: De senectute e outros escritos autobiográficos, Trrad. Daniela Versiani,
Rio de Janeiro: Campus, 1997
PLATÃO, A República, Trad. Carlos Alberto Nunes, 3ª Edição, Belem, EDUFRA, 2000
LOBATO, Nicolau dos Reis, “sabemos, e podemos, e devemos vencer”, Edit. Martinho G. da Silva Gusmão, Centro Nacional Chega, IP, Díli, 2018
VASCONCELOS, Pedro Carlos Bacelar de, (Cord.), Constituição Anotada da República Democrática de Timor-Leste, Editor: Direitos Humanos- Centro de Investigação Interdisciplinar Escola de Direito da Universidade do Mino Campus de Gualtar, Braga, Colaboradores: Alexandre Corte-Real de Araújo, Et All, Empresário Diário do Mino, Lda. Rua de Santa Margarida, Braga, 2011
GUSMÃO, Kai Rala Xanana, Xanana Gusmão e os primeiros 10 anos da construção do estado timorense, 1ª edição, Portugal: Porto editora, 2012
CARLOS Roberto, A história de Norberto Bobbio, In Revista da História, ciência política, filosofia história mundial, 1ª Edição, São Paulo, Paulus, 2020
David Martins, IV de Filosofia, ISFIT