Mehara – Equipa ISFIT composto hosi Senado Académico no funcionário sira hala’o avaliação anual ba tinan 2024. Atividade ida ne’e realiza iha loron 17 fulan dezembro tinan 2024 iha residência das madres, Mehara, Lautem.
Atividade avaliação anual nudár programa ida nebé mak equipa ISFIT sempre hala’o cada tinan. No tinan ida ne’e ISFIT decide atu realiza atividade refere iha Mehara ho período loron 3. Equipa ISFIT hahu atividade ida ne’e ho Eucaristia nebé preside direita hosi Reitor ISFIT, Pe. Justino Tanec no ao mesmo tempo Reitor mós halo abertura ba atividade ida ne’e hodi hato’o nia esperança ba sucesso atividade ida ne’e nian.
Reitor ISFIT, Pe. Justino Tanec agradece ba disponibilidade hosi senado académico, funcionário, voluntário no estagiado sira hotu nebé participa iha atividade ida ne’e.
Tuir agenda, loron dahuluk ida ne’e equipa ISFIT concentra iha avaliação anual tinan 2024. Tanba ne’e, equipa hirak nebé administra unidade sira iha apresenta relatório anual no halo discussão ba atividade sira hotu nebé realiza ona iha tinan ida ne’e. (Média ISFIT)