EQUIPA ISFIT HALO PLANO AÇÃO BA TINAN 2025

Mehara – Equipa ISFIT nebé composto hosi Senado Académico no Funcionário sira realiza encontro hodi halo plano ação ba atividade no plano sira hotu nebé sei realiza iha tinan 2025. Encontro ne’e realiza iha loron 18 tinan 2024, iha sala da reunião, casa das madres, Mehara.

Tuir agenda nebé iha katak loron daruak hosi avaliação anual tinan ida ne’e mak equipa ISFIT sei traça plano sira nebé sei realiza iha tinan 2025 no iha futuro. Tanba ne’e, assunto hirak nebé mak equipa discute iha encontro ida ne’e kona-ba plano ação tinan 2025, plano estratégico 2022-2026 no halo apresentação ba curriculo hosi faculdade sira.

Encontro ida ne’e hetan participação máxima no ativa hosi Senado Académico, Funcionários, voluntários no estagiario sira hotu ISFIT nian. (Média ISFIT)