ISFIT ENCERRA ESTAGIARIOS DIT

Dili – ISFIT encerra atividade estágio hosi estagiário nain rua Dili Institute of Technology (DIT) nian. Encerramento ida ne’e halao iha loron 3 fulan maio tinan 2024, iha ISFIT.

Estagiário DIT nain ruaa nebé mai hala’o estágio iha ISFIT mak hanesan Bemvindo Baptista Nunes Sarmento no Jenivio Bonifacio de Araujo. Estagiário nain rua ne’e mai hosi Escola Superior Gestão e Comércio, DIT. Atividade estágio ida ne’e hahu hosi dia 26 de fevereiro no remata iha 3 de maio tinan 2024. Katak iha período fulan rua no semana ida nia laran.

Representante estagiário Bemvindo Sarmento hato’o agradecimento no desculpa ba ISFIT ho Senado Académico ISFIT sira hotu. Liu-liu chefe no assistente hosi unidade hirak nebé sira ba hala’o estágio.

Iha momento hanesan Sr. Norberto Michael de Castro Legimai, Secretário Reitos DIT no hanesan mós docente departamento gestão geral hato’o apreciação no agradece ba ISFIT nia disponibilidade. Liu-liu tanba bele disponibiliza ona espaço ba estudante nain rua ne’e atu mai hala’o sira nia estágio. Molok termina, Secretário Reitor DIT ne’e mós husu atu continua hametin nafatin cooperação entre instituo rua ne’e.

Iha discurso Reitor ISFIT, Pe. Justino Tanec mós agradece ba iniciativa hosi DIT nebé hakarak cultiva amizade no relações académicas liu hosi estágio. Reitor nmós agradece no parabeniza estagiário nain rua. Liu-liu ba tempo adicional nebé sira oferece ba ISFIT. (Média ISFIT)