Dili – ISFIT realiza encontro ho Instituto São João de Brito (ISJB) iha loron 2 fulan maio tinan 2024, iha sala encontro ISFIT nian.
Encontro ida ne’e realiza ho objetivo ida atu halo discusão nebé klean hodi forma cooperação entre ISFIT ho ISJB. Cooperação nebé instituto rua hakarak coopera liu-liu mak iha área sira nebé bele lori benefício ba instituição rua ne’e rasik. Tanba ne’e, hosi parte ISFIT no ISJB identifica área importante balu hanesan joint lecturer, pesquisa, serviço social, bibliotecário no formação caracter humana.
Ho nune’e, iha encontro refere ISFIT liu hosi Senado Académico no ISJB liu hosi Reitor no nia membro consultivo sira compromete ho vontade rasik atu realiza cooperação ida ne’e. Atu nune’e, Instituto superior católica rua ne’e bele concretiza duni mehi Igreja universal nian nebé ko’alia kona-ba Espírito da Sinodalidade.
Encontro ida ne’e hetan participação máxima hosi Reitor ISFIT, Reitor ISJB no ninia membro consultivo sira, Senado Académico ISFIT no funcionário ISFIT sira nebé iha ligação ho área nebé atu halo cooperação. (Média ISFIT)