ISFIT REALIZA 4a GRADUAÇÃO BA ESTUDANTE NAIN 111

Dili – ISFIT realiza cerimónia 4^a Graduação ba estudante nain 111. Cerimónia ida ne’e realiza iha loron 26 fulan abril tinan 2024, iha salão Canossa, Has laran, Dili.

Estudante nain 111 composto hosi estudante faculdade filosofia nain 88 no estudante faculdade teologia nain 23. Estudante hirak ne’e composto hosi Leigo/a sira, padre sira, diácono sira, madre, seminarista diocesano no religioso sira. Tanba ne’e iha discurso Pe. Justino Tanec hanesan Reitor ISFIT explica katak ISFIT nudár instituição académica católica nebé mak sempre consciente ho ninia existência atu tulun formação nailulik sira nian. Ho nune’e, iha 4^a Graduação ne’e composto hosi nailulik nain 14, diácono 7, madre 1 no seminarista nain 33.

“Além de ida ne’e, iha leigos nain 56 nebé formado iha filosofia no teologia. Balu, foufoun seminarista, maibé ikus mai hili dalan nu’udar leigo. Sira mak colaboradores igreja nian no sira mak presente furak ida hosi igreja ba sociedade. Mil parabéns ba imi hotu!”, hatutan Reitor ISFIT.

Relativamente ho ida ne’e, iha discurso Dr. José Honório da Costa Pereira Jerónimo, Ministro do Ensino Superior, Ciência e Cultura consciente mós ho contirbuição igreja ba eduacação iha Timor-Leste. Ministro ne’e haktuir katak “Se ohin loron ita bele hetan lider balu mais importante iha ita nia rain ne’e tanba contribuição igreja católica nian”.

Iha discurso Reitor ISFIT mós hato’o nia sentida gratidão ba parte hot-hotu. Ba participantes sira, liu-liu convidados de honra sira hosi estado, governo, igreja, instituições ecleciais, civis no académicas, amigos no parceiros ISFIT nian sira hotu. Agradece ba família graduado sira nian nebé fo ona confiança ba ISFIT atu educa sira nia oan. Agradece mós ba corpo docente ISFIT, Senado Académico, Funcionário ISFIT, Senado Estudantil no Comissão Organizadora.

Tema nebé mak Senado Académico ISFIT decide sai tema central ba cerminónia ida ne’e mak Que a vossa fé, seja a vossa cultura. Tema ida nebé relevante no coerente tebtebes relaciona ho visita Papa Francisco nian iha Timor-Leste. Ho nune’e, ISFIT convida direitamente Mons. Marco Sprizzi, representante Papa iha Timor-Leste hodi hato’o Oratio Sapientiae ho tema o ministério do sucessor de Pedro à luz da tradição da igreja para o mundo de hoje.

(Secção Documentação C.O.)