ISFIT REALIZA IV CERIMONIA IUDICIUM

Dili – ISFIT realiza cerimonia IV Iudicium ba estudante finalista graduando sira hamutuk nain 111. Cerimónia ida ne’e hahu uluk ho celebração eucaristia nebé preside hosi D. Leandro Maria Alves, Bispo da Diocese de Baucau.

Cerimonia ida ne’e realiza iha salão Canossa, Has-laran. Iha loron 24 fulan abril tinan 2024. Estudante finalista graduando sira ne’e mai hosi faculdade rua hanesan faculdade filosofia hamutuk 88 no faculdade teologia hamutuk 23. Graduando hirak ne’e composto hosi estudante leigos/as, Seminarista diocesano no religioso, Padre, Madre no Diácono sira.

Iha discurso Pe. Justino Tanec hanesan Reitor ISFIT explica katak graduando hirak ne’e composto hosi estudante ativo no reativo. Estudante ativo hamutuk 83 katak sira nebé cumpri ona tinan 4 iha processo estudo nian. No estudante reativos hamutuk 28 katak sira nebé antes ne’e tuir currículo tuan no sira fila-fali mai completa matéria hodi hasai grau licenciado.

“A partir de hojé em diante, assumem a responsabilidade para dar vida à uma autêntica instituição católica. Que se destingue pela qualidade da comunicação do saber, da pesquisa contínua e do compromisso do serviço social e pastoral. E ao mesmo tempo pela fidelidade ao evangelho e aos ensinamentos da igreja. A todos vós desejamos que ponham as suas competências professionais ao serviço do bem e do reino de Deus”. Hatutan Reitor iha nia discurso.

Molok termina discurso Reitor mós parabeniza graduando sira hotu nebé termina ona sira nia estudo iha área ida-idak nebé sira hili. No agradece ba componente hotu-hotu nebé colabora ona ho ISFIT hodi realiza cerimonia ida ne’e. Liu-liu agradece ba docentes, responsavél uma formação sira, senado académico, funcionário ISFIT, Senado Estudantil, Comissão organizadora no ba colaborador hotu-hotu.