OE-CUSSE- Equipa Programa Criatividade Estudantil no grupo Pesquisa Internacional husi FF-Unwira no FF-ISFIT realiza seminário sábado liu ba ho tema “Pengabdian masyarakat di bidang Kitab Suci”. Atividade académica ba comunidade ne’e hala’o iha Estação São Francisco Xavier Oemolo. Orador Pe. Siprianus S. Senda representa UNWIRA. Participante sira mai hosi comunidade iha fatin refere inclui estudantes estagiários e pesquisadores ISFIT no UNWIRA-Kupang (Oemolo/16/09/2023).
Hanesan ita hotu hatene katak Universidade eh Instituto Superior ida hamrik sempre que nia natureza hatur iha sociedade atu servi duni sociedade. Tamba ne’e mak ISFIT liu husi nia cooperação Internacional sira sempre acentua konaba (join lecture and international join research”. Iha loron sábado nebé liu ba FF-ISFIT-FF-UNWIRA tau hamutuk hanoin liu husi equipa Programa Criatividade Estudantil no Pesquisa Internacional realiza seminário ida ba comunidade iha Oemolo ho tema “Pengabdian masyarakat di bidang Kitab Suci”.
Atividade nebé realiza ho motivo oinsa mak haré fali espírito “Nekaf mese Ansaof mese” husi perspectiva Bíblia nian. Dentro da atividade académica ne’e Pe. Siprianus S. Senda hatur sira nia ponto de vista nebé contextualizado ligado ho conhecimento comunidade nian acerca da Bíblia no espírito “Nekaf mese Ansaof mese”.
Iha evento ida ne’e, mosu diálogo liu husi pergunta no resposta: nekaf mese ansaof mese? Saida mak imi hatene konaba Kitab Suci, Perjanjian Lama dan Perjanjian Baru? No iha seção ida ne’e participante sira resposta baseia ba sira ida-idak nia experiência moris nu’udar povo no sarani. Balun dehan “espírito nekaf mese ansaof mese” ne’e halo ita serviço hamutuk no moris hamutuk. Seluk fali dehan espírito ida ne’e halo ita sai ida de’it, maske ita nação keta-ketak maibe tan Maromak ita sai ida de’it. Balun nebé hari ona família mos dehan, moris iha unidade ne’e hahú husi familia mak sai ba sociedade. Tanba educação no moral ba oan sira primeiro lugar hetan iha familia.
Iha sikun seluk Romo Sipri lori participante sira ba hatene konaba saida mak Lectio Divino. No nia hateten katak lectio divina ne’e katak ita halo leitura ba Maromak nia futar liafuan ka Bíblia. Nia mos hatutan tan katak maneira halo Lectio Divino ne’e iha oin haat (4) nebé mak precisa halo mak hanesan: Lectio katak lee Maromak nia futar liafuan, Meditatio katak medita Liafuan nebé ita lee hodi haré ba ita nia moris lor-loron nian, Oratio katak depois de lee halo oração, Contemplatio katak contempla fali liafuan hirak nebé ita lee hodi haré mos ba ita nia moris lor-loron nian no ikus mak Actio katak liafuan Maromak nian nebé ita lee tem que pratica iha ita nia hahalok moris lor-loron. Depois de explicação, Romo Sipri mos lori kedas participante sira hodi pratica Lectio Divina iha minuto balun nia laran hodi termina seminário refer.
Atividade académica no religiosa ne’e hetan participação máxima husi comunidade iha área refere nebe composto husi katuas-ferik, foin-sa’e no labarik sira, estudante sira husi FF-ISFIT no FFU, Reitor ISFIT Pe. Justino Tanec, RD. Hironimus Pakaenoni, RD. Oktovianus Naif, Pe. Francisco da Costa, M. Phil (Chefe UNIP-ISFIT) no Padre Pároco Numbei Pe. Arnaldo de Deus. ( Rep. Tito Marques)
Média-ISFIT
Júlio de Jesus