OE-CUSSE: Estudante estagiado no pesquisador sira liu husi Programa Criatividade Estudantil (PCE) internacional entre FF-UNWIRA-Kupang no FF-ISFIT hala’o atividade hanesan: Prepara ai-oan hodi ba kuda iha Oe-Molo no limpeza geral iha arredores da Igreja Paroquial Nossa Senhora do Rosário Numbei. Ai-Oan sira hetan suporta husi S.E. secretaria Regional Agricultura RAEOA e ZEEMS-TL (Numbei/15/09/2023).
Ba loron datoluk ne’e estudante sira ho PCE internacional hala’o atividade rua, nebé fahe ba grupo rua. Grupo primeiro hetan tarrefa hodi hamoos arredores Igreja Paróquia Nossa Senhora do Rosário Numbei, no iha sorin seluk grupo segundo hetan tarrefa hodi prepara ai-oan hodi ba kuda iha Oe-Molo. Ai-oan hirak ne’e suporta husi S.E. secretaria Regional Agricultura RAEOA e ZEEMS-TL no tipo hosi ai-oan sira mak hanesan: ai-mahoni 30, kulu 10, ai-kasi 10, hali portugal 10, ai-buah 10 no ai malaria 10. Tuir plano nebé iha ai oan hirak ne’e sei kuda iha loron Sábado aban.
Atividade limpeza iha Igreja nee hanesan ação concreta nebé hamoris espírito serviço hamutuk no unidade entre estudante sira, iha nebé actividade refere ho nia tema pesquisa no PCE Internacional, “Memupuk Persatuan dan Kesatuan dalam Semangat Kerendahan Hati Untuk Membangun Gereja dan Bangsa Dengan Berbasis pada Spirit Atoin Meto: Nekaf Mese Ansaof Mese”. Esforço maka’as hodi hakbi’it espírito Atoin Meto: Nekaf Mese Ansaof Mese tem que liu husi hahalok nebé mak simples, mak hanesan halo limpeza iha Igreja.
Estudante sira ho entusiasmo hala’o limpeza iha área Igreja nian. Estudante sira haksolok tebes liu husi serviço hamutuk ida ne’e. Liu husi experiência ida ne’e mak estudante sira fácil tebes aprende oinsa atu harí unidade maske serviço ne’e todan. Actividade limpeza iha Igreja hetan controlo máximo husi Decano FF-UNWIRA Kupang, Rm. Yohanes Subani.
Hafoin hala’o limpeza iha Igreja, estudante sira direitamente arruma ai-oan hodi ba kuda iha loron Sábado liu ba. Liu husi actividade kuda ai-oan ne`e mak oinsa mak ema cuidado universo hanesan “casa comum”. Liu husi actividade refere, estudante sira hatudu sira nia atitude hadomi natureza hanesan criatura Maromak nebé maromak fo poder ba ema atu hadi’a no haburas criatura sira seluk no la’os atu estraga. Nune’e estudante sira aprende princípio “a necessidade humana acerca da natureza é o oxigênio da vida”.
Liu husi atividade social hirak ne’e lori ema la esforço de’it oinsa atu harí unidade entre ema ho ema, maibe mos harí unidade entre ema ho natureza. Nune’e, “uma das alternativas” mak kuda ai-oan sira no limpeza iha fatin nebé ema hotu-hotu horik. (Rep. Tito Marques)
Média ISFIT
Júlio de Jesus