OE-CUSSE: FF-ISFIT no FF-UNWIRA realiza atividade académica competição discurso científico e dama entre instituição académica rua. Concorrente sira nebé parcipa iha atividade refere mai husi estudante FF-ISFIT no FF-UNWIRA. Avaliador sira mai hosi instituição académica rua no atividade académica no non-académica ne’e hala’o iha campal/palco Paróquia Nossa Senhora do Rosário Numbei (Numbei/14/09/2023).
ISFIT hanesan instituição académica e católica nebe subordina ba Conferência Episcopal Timorense (CET) liu husi nia departamento de educação, Comissão Nacional da Educação Católica de Timor-Leste (CONECTIL) hatur nia valor cristão católico sira liu husi nia visão be dehan “ser um Instituto de filosofia e teologia competitivo, a nível nacional quanto internacional”. Tamba ne’e mak ISFIT liu hosi nia cooperação ho UNWIRA-Kupang atu haroman liu tan nia visão refere ho mehi ida de’it tuir ISFIT nia missão “qualificar uma investigação qualificada em filosofia”.
Nune’e, iha loron hirak liu ba FF-ISFIT no FF-UNWIRA hala’o “International Join Reserch” entre estudante hosi instituição académica rua iha Oe-Cusse no sei fahe ba grupo rua: ida iha Oe-Cusse no seluk hamutuk ho estudante FF-UNWIRA iha WINI-indonésia.
Dentro de tempo hirak ne’e estudante husi parte rua hala’o atividade sira hanesan académica no non-académica hanesan: discurso científico no competição dama no concorrente sira mai husi instituição rua. Estudante Evi Cesar Magno no Joanico L. Ximenes representante husi ISFIT no Frater Mario Letakaeb, Frater Diki Tae Della ho Frater Sebastian Harjoni representante hos FF-UNWIRA. Avaliador sira mai husi instituição rua: FF-ISFIT mak Sr. Augusto Almeida da Silva, B.A, M.Sc. no husi FF-UNWIRA representa husi Pe. Hironimus Pakaenoni no Pe. Kornelis Usboko.
Iha parte seluk, iha oras nebé hanesan realiza mos competicão non-academico: Dama/Catur FF-UNWIRA vs FF-ISFIT representa husi estudante nain rua mak hanesan: Isac Soares no Fernando de Jesus Madeira. No husi FFU nian representa husi estudante mak hanesan: Melki Seran no Hans Pati. Iha competicão ne’e hetan participação máximo, animado no rame tebes tamba competetor sira hatudu sira nia skill no táctica oinsa atu manan ida seluk. Infelizmente estudante Fernando de Jesus Madeira derota ho nia adversário iha fase eliminatorio 1-2 enquanto estudante Isac Soares vence nia nia adversário iha fase eliminatório ho score 2-1 no continua ba fase semi finais nian no copetitor Isac Soares continua sai vencedor hodi hakat ba fase final.
Além de competição rua iha leten, iha mos actividade ida seluk nebé realiza iha parte loraik nian mak hanesan jogo amigável entre estudante husi Instituto Superior FF-ISFIT no FF-UNWIRA, jogo ida ne’e atu hametin liu tan unidade, fraternidade no liu-liu espírito “Nekaf mese Ansaof mese” (Laran ida Neon ida). Resultado husi jogo amigável ne’e equipa FF-ISFIT manan ho score 3-0 ba equipa FFU.
Iha atividade ne’e hetan participação máximo husi estudante sira hotu, além de estudante sira participa mos funcionários no docentes nebé acompanha estudante sira. Depois de concorrente sira apresenta sira nia discurso, avaliador sira ida-idak halo avaliação tuir buat nebé sira haré no rona husi concorrente sira hotu, resultado husi avaliação refere halo concorrente sira sente haksolok, maibe resultado husi avalição ne’e sei fó sai iha Wini iha missa despedida nian. (Rep. Tito Marques)
Média-ISFIT
Júlio de Jesus