JOGO AMIZADE ENTRE ISFIT NO UCT, ISFIT CONSEGUE MANAN HO SCORE 7-0

DILI-Instituto Superior de Filosofia e de Teologia de Dom Jaime Garcia Goulart (ISFIT) halo jogo amizade ho Universidade Católica Timorense (UCT) no ISFIT consegue manan UCT ho SCORE 7-0. Atividade desportiva ne’e hala’o coincide ho celebração existência ISFIT nian ba dala-X. Jogo refere hala’o iha campo futebol Seminário Maior Fatumeta no hetan participação máxima e ativa hosi Reitores ISFIT no UCT, Docentes e Discentes husi knua matenek rua ne’e (Fatumeta,10/05/2023).

Hanesan expressão famosa be dehan “una mente sana en un cuerpo sano” ISFIT mos encarnado ho expressão ne’e katak la’os de’it quebra kakutak iha campus “una mente sana” maibé mos desenvolve potencialidade desportiva liu husi ADA-ISFIT hodi hadi’a isin “Corpore sana” no fó garância ba continuidade funcionamento kakutak nian.

Tamba ne’e mak iha loron histórico ISFIT nian nebé halo tinan ba dala-X eh ita bele dehan ona década ida, ISFIT hola iniciativa hodi halo jogo amizade entre ISFIT no UCT. Molok jogo ne’e hahú represntante hosi Instituição acadêmica rua hato’o sira nia mensagem ba jogadores sira no mos hato’o mensagem hosi árbitro. Depois seção ida ne’e jogadores, árbitro, linesman no Reitores hosi ISFIT no UCT hasai foto hamutuk.

Iha jogo ida ne’e jogadores sira hatudu tebes sira nia potencialidade do jogo tamba la’os de’it atu manan maibé mos atu aprende no enriquece liu tan conhecimento iha mundo desporto nian. Iha primeiros momentos equipa hosi ISFIT marca golo 3-0 ba equipa UCT. Hafoin iha segundo momento do jogo ISFIT aumenta tan score ba 7-0. Maske nune’e jogadores hosi Equipa UCT sira la lakon esperança hodi halo jogo bonito liu tan.

Jogo refere animado tebes tamba equipa UCT mai ho sira apoiantes hanesan; Reitor, docentes, estudantes nune’e mos ISFIT nebé hetan participação ativa husi Reitor ISFIT, Docentes, Discentes, funcionários no estudantes sira seluk nebé hakarak mai participa hodi halo rame jogo refere. Depois de atividade desportiva ne’e continua kedas ho animação iha campus ISFIT.

Média-ISFIT hato’o saudacões desportivas ba imi hotu!

Júlio de Jesus