DILI-Reitor ISFIT, Pe. Justino Tanec participa iha cerimónia exposição da educação Universidade 22 husi Indonésia. Participa iha exposição ne’e: Ministro do Ensino Superior da Ciência e Cultura Dr. Longuino Dos Santos, Adido da Educação husi Indonésia mai Timor, Embaxador Indonésia mai Timor, Secretário Executivo FDCH Sr. Cristôvão Dos Reis, Delegação sira husi cada Universidade Indonésia nian, Reitores no representantes sira husi universidade no instituto sira iha Timor-Leste, estudantes Universitário no secundários. Atividade ne’e realiza iha Timor-Plaza. (ISFIT/15/10/2022).
Indonésia hanesan nação ida nebé besik tebes hoTimor, tamba ne’e sempre iha relação di’ak la’os de’It iha assunto política maibé liga mos ho recurso humano nebé halai liu ba educação. Portanto, atividade exposição ne’e hanesan atividade anual nebé realiza hosi Embaixada Indonésia iha Timor. Iha tinan 2020 no 2021 la hala’o tamba questão Covid-19. Iha oportuidade hanesan realização ne’e ho objetivo seluk hodi celebra mos “Indonesian Day”.
Iha atividade ne’e estudante sira entusiasmo tebes hodi husu informação oinsa acesso ba Universidade sira iha Indonésia. Cada Universidade husi Indonésia mai ho representante estudante sira atu halo animação no halo promoção ba sira nia Universidade no Instituto.
ISFIT, mos hola parte iha mundo da exposição educativo ida ne’e liu-liu tamba iha mos MoU ho Universidade sira husi Indonésia. Hein katak ho exposição da educação ne’e bele sai espaço di’ak ida atu estudante sira nebe ho alta capacidade bele acesso ba ensino ida qualidade e efetiva be serviço hamutuk ho Universidade sira husi rai Indonésia.
Média-ISFIT
Júlio de Jesus