ISFIT HALA’O VIA SACRA BA DALA IKUS HO ESTUDANTES NO FUNCIONÁRIO SIRA

DILI-Instituto Superior de Filosofia e de Teologia Dom Jaime Garcia Goulart Fatumeta (ISFIT), iha loron Sexta-Feira (01/04) hanesan semana ikus hodi hala’o via sacra hamutuk ho estudante no funcionário sira iha arredores ISFIT. Participa iha atividade religiosa ne’e: Docentes, Dicentes no funcionários sira hotu nebé serviço ba ISFIT (Média-ISFIT/01/04/2022).

ISFIT hanesan Instituto religioso no católico sempre kuda valor cristão sira nebé reflete ba Mistério Cristo nian. Oras ne’e cristão católico iha uma kreada universal hakat ba véspera festa páscoa nian, ISFIT mos iha circunstância preparativa ne’e hakarak lori nia oan sira reflete ba Jesus nia terus mate no moris hias liu husi dalan cruz.

Maske loron manas maibe estudante, funcionário no docente sira hakne’ak hodi reflete ba Mistério mate no moris hias Cristo nian hodi hafoun-an iha fiar no hahalok. Atividade ne’e hala’o basea ba horário anual ISFIT nian nebé hatur ona. Atividade religiosa ne’e la’o ho di’ak tamba hetan participação ativa husi estudante, docentes no funcionários sira

Dalan Cruz ne’e hanesan colaboração recíproca entre Senado Geral, Senado husi faculdad Filosofia no Teologia nebé intervém diretamente husi seção liturgia. Dalan Cruz ne’e hala’o hahú husi horas (11: 45 to’o remata). Depois de Dalan Cruz  fó lian agradecimento husi responsável sira hafoin estudante, docente no funcionário hala’o sira nia atividade tuir horário nebé iha.

Média-ISFIT

Cornélio Mota

Dírcia Maria Caldas