Dili (15-11-2024) – Estudante pesquisadores ISFIT hosi Faculdade Filosofia no Teologia ohin hala’o viagem ba Oe-cusse hodi halo atividade pesquisa no serviço comunitário.
Atividade Pesquisa no Serviço Comunitario ida ne’e rasik nudár programa ida hosi Unidade da Pesquisa e Serviço Comunitário (UPSIC) ISFIT nian. Tuir plano, atividade ida ne’e sei realiza durante semana rua iha Oe-cusse no Wini, Sacato, Indonésia.
Reitor ISFIT, Pe. Justino Tanec hanesan responsável máximo iha ISFIT acompanha estudante hirak ne’e ba Porto molok sira hala’o sira nia viagem. Reitor deseja boa viagem no boa atividade académica ba estudante no equipa sira ISFIT nian nebé mak sei acompanha estudante sira iha atividade ida ne’e hosi hahu too remata. (Média ISFIT)