Dili – ISFIT liu hosi unidade Tecnologia e Informática (IT) finaliza curso computador ba estudante sira. Curso ida ne’e remata ho teste nebé realiza iha loron 28 fulan outubro tinan 2024, iha sala laboratório ISFIT nian.
Curso ida ne’e sai hanesan plano anual nebé mak unidade IT-ISFIT planeia atu realiza iha tinan ida ne’e. Ho nune’e liu hosi mecanismo oioin, curso ida ne’e inicia no ohin bele finaliza ona ho teste. Matéria nebé durante ne’e sira aprende mak programa office nian hanesan Microsoft Office, Excel no Power Point.
Curso ida ne’e mós sai hanesan atividade extracurricular ida iha ISFIT. Ho objetivo atu qualifica estudante sira iha área computador hodi bele prepara sira ba mercado serviço nian nebé sira sei hasoru iha futuro. Maioria hosi estudante hirak nebé mak participa iha curso refere mai hosi estudante faculdade filosofia ISFIT nian. (Média ISFIT)