𝐄𝐒𝐓𝐔𝐃𝐀𝐍𝐓𝐄𝐒 𝟐⁰ 𝐀𝐍𝐎 𝐅𝐈𝐋𝐎𝐒𝐎𝐅𝐈𝐀 𝐓𝐔𝐑𝐌𝐀 𝐁 𝐎𝐂𝐔𝐏𝐀 𝟏⁰ 𝐋𝐔𝐆𝐀𝐑 𝐈𝐇𝐀 𝐃𝐄𝐁𝐀𝐓𝐄 𝐂𝐈𝐄𝐍𝐓𝐈́𝐅𝐈𝐂𝐎

𝘋𝘪𝘭𝘪 – 𝘌𝘴𝘵𝘶𝘥𝘢𝘯𝘵𝘦 2⁰ 𝘢𝘯𝘰, 𝘵𝘶𝘳𝘮𝘢 𝘉 𝘩𝘰𝘴𝘪 𝘧𝘢𝘤𝘶𝘭𝘥𝘢𝘥𝘦 𝘧𝘪𝘭𝘰𝘴𝘰𝘧𝘪𝘢 𝘴𝘢𝘪 𝘮𝘢𝘯𝘢𝘯 𝘯𝘢𝘪𝘯 𝘪𝘩𝘢 𝘥𝘦𝘣𝘢𝘵𝘦 𝘤𝘪𝘦𝘯𝘵𝘪́𝘧𝘪𝘤𝘰 𝘪𝘯𝘵𝘦𝘳𝘯𝘢 𝘐𝘚𝘍𝘐𝘛 𝘯𝘪𝘢𝘯. 𝘈𝘵𝘪𝘷𝘪𝘥𝘢𝘥𝘦 𝘧𝘪𝘯𝘢𝘭 𝘣𝘢 𝘥𝘦𝘣𝘢𝘵𝘦 𝘤𝘪𝘦𝘯𝘵𝘪́𝘧𝘪𝘤𝘰 𝘯𝘦’𝘦 𝘳𝘦𝘢𝘭𝘪𝘻𝘢 𝘪𝘩𝘢 𝘭𝘰𝘳𝘰𝘯 8 𝘧𝘶𝘭𝘢𝘯 𝘢𝘨𝘰𝘴𝘵𝘰 𝘵𝘪𝘯𝘢𝘯 2024 𝘪𝘩𝘢 𝘴𝘢𝘭𝘢̃𝘰 𝘐𝘚𝘍𝘐𝘛.

Debate científico interna ISFIT nian ne’e compete hosi representante estudante sira hotu ISFIT nian, liu-liu hosi faculdade filosofia. Grupo haat nebé iha oportunidade hodi participa iha debate científico ba tinan ida ne’e mak hanesan 1⁰ ano filosofia turma C, 2⁰ ano filosofia turma A no B, ho 3 ano filosofia geral.

Debate ida ne’e hahu realiza horsehik no termina ohin ho resultado sira mak hanesan 2⁰ ano filosofia, turma B sai nudár vencedor principal hodi ocupa iha 1⁰ lugar. 3⁰ ano filosofia geral ocupa iha 2⁰ lugar no ikus liu 1⁰ ano filosofia, turma C ocupa iha 3⁰ lugar.

Tópico ka mosão hirak nebé discute iha debate científico refere mak hanesan educação ho política. Educação ho ninia sub-tópico principal mak “Gestão no qualidade ensino-aprendizagem iha Timor-Leste mai ho Alta qualidade”. Nune’e mos política ho ninia sub-tópico principal mak “Política evicção nebé halo hosi Secretário Estado Assunto Toponomia e Organização Urbana (SEATOU) iha capital Dili, contra tratado internacional kona-ba direitos humanos”.

Debate científico ida ne’e nia realização hosi hahu too remata hetan sucesso no entusiasmado teb-tebes hosi estudante hot-hotu, liu-liu estudante hirak nebé compete iha competição académica ida ne’e. Molok termina atividade refere senado geral estudantil, estudante Zebedeu Mota hanesan mós organizador ba atividade refere agradece ba parte hot-hotu nebé contribui ona ba sucesso atividade académica extracurricular ida ne’e.

“Ha’u agradece ba hot-hotu no parabéns ba sira hirak nebé sai ona vencedor ba iha debate científico ida ne’e. No ha’u mós husu nafatin estudante sira atu kuda cultura le’e no nunee bele usa didi’ak raciocínio atu bele cria sociedade ida nebé mais justa no mais humana”, hatutan estudante Zebedeu Mota iha discurso hodi taka atividade ida ne’e. (Média ISFIT)