ISFIT HALA’O LANÇAMENTO LIVRO

Dili – Instituto Superior de Filosofia e de Teologia Dom Jaime Garcia Goulart (ISFIT), hamutuk ho docente e escritor Pe. Carlos M. P. Roben lança primeiro livre ho título “Chamamento de Abraão: Exegese e Teologia, Gn 12, 1-9”. Participa iha lançamento ne’e: Reitor ISFIT ho nia estrutura, docentes no estudantes sira hosi faculdade teologia. Atividade académica refere hala’o iha salão ISFIT.

 “Lançamento ba obra científica hosi docente sira no hanorin ho sira nia obra rasik, sai ona mehi boot ba ISFIT”, hateten Reitor ISFIT Pe. Justino Tanec wainhira hala’o abertura iha cerimónia lançamento ne’e.

Iha discurso Reitor nian nia haktuir katak “ita iha mehi boot rua wainhira liga ho andamento acadêmico iha ISFIT. 1. Docente sira tenke publica sira nia obra acadêmica tuir especialidade no docente sira pelo menos hanorin ho sira nia obra rasik. Docente sira hahu ona publica sira nia obra iha tinan hirak liu ba, ohin ita lan tan obra acadêmica hosi Pe. Carlos no ba oin ita espera sei lança nafatin”.

Iha sorin seluk, Pe. Natalino Gusmão hanesan apresentador do livro hateten livro ne’e iha qualidade nebé as iha mundo bíblico. Tanba ne’e principiante sira iha Sagrada Escritura tenke halo leitura.

Hafoin Pe. Carlos M. P. Roben hanesan escritor do livro agradece ba ema hotu nebé colabora hodi lança livro refere, hosi hahu to’o lançamento. Escritor acrescenta katak mehi boot nebé incentiva hodi publica obra ne’e mak atu tulun estudante sira nebé estuda hela sagrada escritura, bele sai mós hanesan modelo ida iha mundo bíblico.

Molok remata lançamento livro ne’e docentes no estudante sira hasai fotografia hamutuk hafoin fahe malu.