ISFIT DISSOLVE COMISSÃO ORGANIZADORA

Dili – ISFIT realiza cerimnónia dissolução ba comissão organizadora iudicium no 4 graduação ba tinan 2024 nian. Cerimónia ida ne’e realiza iha loron 24 fulan maio tinan 2024 iha salãp ISFIT.

Comissão organizadora ba iudicium no 4 graduação tinan ida ne’e forma ho objetivo ida atu responsabiliza no organiza cerimónia iudicium no 4 graduação nebé ISFIT realiza tiha ona iha loron 24 no 26 fulan abril liu ba. Comissão ida ne’e preside hosi Prof. Ligório Borromeu, decano faculdade ISFIT nian.

Iha discurso Prof. Ligório Borromeu hanesan presidente comissão organizadora agradece ba confiança nebé ISFIT deposita ona ba nia atu dirige comissão ba cerimónia iudicium no 4 graduação tinan 2024. Presidente comissão ne’e mós hato’o nia profundo gratidão ba equipa sira hotu nebé colabora ona hodi serviço iha comissão ida ne’e. Ba sucesso tomak ita agradece no ba falhanço sira ita rai hanesan lição atu ita aprende liu tan.

Iha momento hanesan Pe. Justino Tanec, reitor ISFIT haktuir katak “Lori ISFIT nia naran ha’u hakarak hato’o parabéns ba senado, funcionários, senado estudantil no ba comissão organizadora nebé mak serviço iha equipa ida”. Maske iha comissão ida ne’e composto hosi membro balu nebé mak foun no balu nebé mak tuan, maibé ita haré katak cerimónia ida ne’e lao ho di’ak tebes. “Ida nebé foun lori novidade no ida neb’e tuan lori fidelidade”, hatutan reitor ISFIT.

Cerimónia ida ne’e hetan participação máximo hosi senado académico sira, funcion’ario ISFIT, senado estudantil no estudante sira hotu nebé mak hola parte iha comissão organizadora ida ne’e. (Média ISFIT).