Escritor: Zeca Tilman
Estudante IV ano da Faculdade de Filosofia-ISFIT
- Introdução.
Festa democracia hanesan festa ida ba povo iha estado direito democrático,ho nia poder maximo ne’e mak povo , no povo mak iha decisão rasik hodi decide nia moris husi voto nebe fo ba partido ida nu’u nia representente hodi garante moris di’ak no moris tuir justiça paz no domin. Tamba ne’e husi povo nia decisão ne’e rasik hakarak lori povo ba to iha ponto ida katak; salvação povo nian mak dever ida nebe aas liu. Tamba ne’e ita hare babain ukun nain sira usa Democracia hanesan nain ba poder, maibe sira la hatene katak saida mak Democracia? Tuir filosofos sira katak; Democracia ne’e nia origem mai husi lifuan grego katak; “ Demos e Kratos” significa o poder do povo.[…]. Husi ne’e liafuan rua ne’e katak; “ Demos ne’e Povo no Kratos ne’e Ukun” katak; povo mak ukun no ukun ne’e fila ba povo. ita hare fali ba versão ida uluk no agora diferente katak; Uluk povo vota hakrak ukun rasik aan livre husi funu ka perseguição, no agora povo vota hakarak comunga ba dezenvolvimento ida nebe livre husi ki’ak,mukit,moras etc.
Tamba ne’e mak festa democracia ne’e festa do povo e poder do povo. katak; povo mak poder no povo mak ukun no iha direto tomak hodi oferese ukun ne’e ba partido sese de’it. Tamba ne’e loron besik ona iha dia 21 de maio 2023 povo sei exerce hodi hili partido político ida nebé povo fo fiar hodi ba tuur iha Parlamento Nacional nune’e mos Governo foun ba periodo 2023-2028. Por natureza festa democracia hahú ho consolidação campanha eleitoral nebe partido político ida-idak halo ona nebe mai ho nia equipa sucesso. iha processo ne’e equipa no candidato ida-idak apresenta sira nia programa, plano no projeto nebe mai ho promesssa oioin hodi atrai tebes povo hodi nadodon hanesan bibi-malae nebe la’o tuir bibi-atan hodi ba participa eleicão parlamental iha festa democracia iha estado direito democrático ida ne’e.
Tamba ne’e ita hare ba festa democracia ida ne’e influençia tebes ba bibi balun saran nia moris ba nia bibi-atan nia Vitoria. hareé ba comfiansa sem reserva nebe povo fó ba sira halo nai-ulun sira fiar-aan hodi halo promesas Políticas no retoricas nebe mesak didi’ak no qualidade de’it, até mosu controversial atu soran fali povo ho povo. Maske nune’e hotu-hotu ko’alia ba povo nia di’ak, paz iha rai klaran dezenvolvimento no prosperiedade iha rai doben Timor.[….]. Ikus mai povo ho sacrifício tomak hodi hakat ba cada centro de votação hodi hili bibi-atan ida nebe povo fiar katak; ne’e mak Bibi-atan di’ak nebé hatene serbi, unifica hodi decide povo no Nação nia destino liu husi eleição povo ho matenek no conciência tomak hanoin, tetu hakotu no hili ninia representante ou Bibi-atan ida husi candidata wain nebe concorre iha festa democracia ida ne’e.
- Poder ne’e na’in mak povo.
Geralmente iha festa democracia ida nu’u obrigação cidadão ida iha direito tomak atu hatene visão no programa importante husi partidos políticos no importânte mos hatene maneira de Política nebe partido político sira halo. hare ba realidade partido político sira halo Política la tuir Política nebe loloos, Tamba sira ko’alia Política maibe sira la hatene saida mak Política? hanesan filosofo Aristóteles hatur Política ne’e dehan; “politik adalah ilmu praktis,tujuan bukanlah pengetahuan melainkan tindakan”.(pasaribu 2016), Iha parte seluk dehan; Política ne’e mai husi liafuan grego dehan “ polis” tradução simples katak; cidade/Nação katak; ema nebe halo Política tenke mai ho Intelectual no Vontade mak atinge dever racional., Tamba ne’e maneira halo Política tenke baseia ba caracteristica/capasidade intellectual ema nian tamba Nação nia fuanção atu ajuda ema hodi atinge ema nia objectivo.[…]. Tamba ne’e mak Aristóteles afirma dehan; iha estado direito democrático ida tenke halo nia povo/ cidadão moris hodi atinge felicidade. ( Crips, 2014). Tamba ne’e hare ba filosofo ne’e nia pensamento hakarak pratica hodi asegura sustentabilidade moris povo nian no ba rai doben ida ne’e. Tamba ne’e iha competição ba festa democracia ida ne’e hamutuk partidos 17 pessoas mak compete iha dia 21 da maio tinan 2023 ate 2028.
Tamba ne’e husi competição ida ne’e ukun nain sira hetan fiar maximo husi povo hodi ba tuur iha Parlamento Nacional iha periodo 2023 ate 2028 hodi decide ba povo no Nação nia destino. Iha oportunidade fiar ida ne’e povo lori ita boot sira ba tuur uma fukun parlamento Nacional hodi halo analiza ba problema sira nebe iha rai laran hanesan, ministeiro finansas nebe aviza previção ida sobre crize financeiro durante tinan 10 tuir mai, baihira la iha reforma fiscal forte no la iha produção campo mina no gas foun. Política saida mak ita boot sira nia partido iha hodi prevene Timor-Leste tama liu tan ba crize austeridade no rai naruk fiscal wainhira ita boot sira hetan fiar hodi ba tuur iha uma fukun Parlamento Nacional.
Tamba ne’e halo mini campnha la’os usa democrácia hodi insulta malu, tarata malu,konta historia 75 etc, será que ida ne’e mak hanaran verdadeiro político? maibe loloos hato programa nebe povo precisa nudar necessidades, hanesan filosofo (Nietszhe) dehan; ema nebe iha dignidade mak ema hirak nebe iha capasidade haluha tiha ema hirak nebe uluk ukun nian sala no fraqueça maibé nafatin assegura justiça no reconsiliação. (Lingis, 1977, p. 53). Tamba ne’e partidos políticos nebe simu fiar hodi ukun tenki iha auto conhecimento obrigação mak determina hakarak ukun, la’os ukun tamba talento ( capacidade) ba ukun. maibé ukun forma husi laran nebe fo roman ba sociedade liu husi transformação roman lalehan nian. Basá iha lalehan okos ne’e la iha ema ida mak perfeito liu ema seluk, la’os hakarak ukun hodi halo lista narnaruk sobre pecado hirak nebe liu ona, capasidade haluha tiha ida ne’e lori ema ba soberano katak capasidade harmonia ho hanoin nebe auto-reflexão-auto-critica e exame da conciência internalização.Tamba ne’e partido político ida nebe mak sai vencedor iha competição festa democracia ida ne’e precisa responsabiliza hodi hare mos ba problema projeto Petrolifeiro Greater Sunrise nebe seidauk iha estado independente credivel nebe comfirma masimo benefiçio ba Povo timor husi dezenvolvimento do campo ida ne’e. Tamba ne’e povo dejesa Política saida mak ita boot sira nia partido iha ba conseito dezenvolvimento Greater Sunrise?. pergunta ne’e povo nia necessidade.
- Povo nia desejo mak Dezenvolvimento ida sustentavel.
Haré ba realidade tinan-tinan Timor-leste importa ai-haan husi rai liur no dificita comercio ba bens no serviço liu bilião ida cada tinan, tamba ne’e tuir BNCTL, dificita iha 2022 ( la inclui exportação mina no gas no retorno investimento FP nian) mak bilão ($1.4 iha 2021, bn $1.5, 2020, bn$1.3.) maske nune’e porto tibar tama ona iha operação no facilita importação. Maibe, produto barato importa husi rai liur halo difisil liu tan ba agricultor sira iha rai laran hodi compete, no ida ne’e hamenus ita nia produção. seráke hanesan ne’e bei-be’ik iha tinan ida ne’e ba oin Política saida mak ita boot sira usa hodi hamenus importação no maximiza produção local ba comsumção local?
Tamba ne’e iha festa democracia ida ne’e povo fo nia voto desejo mak dezenvolvimento ba sector sira iha rai laran tanto privado sira, sector nebe importante iha sociedade Timorense nu’u primaria mak sector educação, Saude, economico, pescas no pequaria etc, Tamba sector hirak ne’e mak povo hakarak exerce voto ba ita boot sira, e halakon mos pensão vitalícia ne’e la’os considera corrupção maibé ne’e corrupção legal. Tamba ne’e iha mos problema seluk nebe Timor-Leste assina ona contrato emprestimo ho valor total tokon ($900,) no iha plano atu foti emprestimo ho valor (billão $1.2 entre 2017-2021. OJE 2023) Autoriza governo hodi assina acordo emprestimo foun to tokon (%200 ) durante tinan 2023, Maibe ita la iha informação sobre futuro. la’o hamutuk hare katak deve se’i sai problema boot ba Timor-Leste wainhira mina maran ona no Timor-Leste tenki selu ba nia creditor sira. Se nune’e karik ita boot hirak nebé sai campeão iha competição ba iha festa democracia iha tinan ida ne’e aseita ka lae? concorda ho capacidade emprestimo ida ne’e? karik la aseita Política saida mak ita boot sira se’i evita Timor-Leste nia deve continua sa’e to nivel nebé la sustentavel?. Tamba ne’e hare ba mai ukun nain sira interese privado do que bem comun, Significa katak, ema hirak nebe kaer estado ida ne’e hanran estado democrático no soberano maibe estado consumido duke produtivo, Basá ko’alia Política retorica barak liu duke pratica politca sira nafatin sai protistuta ba ukun.
- Conclusão
Atu conclui de’it katak; Timor-Lete Estado direito Democrático e estado soberano katak; Uma Terra livre, para Gente livre”. Tan ne’e povo mak luta no povo mak manan. Nune’e independência ne’e única solução nebé coerência ho vontade popular.‘ Saudoso Nicolau mak verdadeiro lider nebé iha coragem lori povo nia aspiração torna realidade, nebé nia hatur ho pensamento filosófica, nebé la’os retórica maibé coerência ética katak nia la’os koalia de’it maibé nia prática hodi lori povo, sai husi abscuiradade, Ba Saudoso Nicolau “ A prática é a critéria da verdade” husi ne’e iha pergunta ikus katak; dadaun ne’e Timor-Leste iha ona esforso boot hodi sai membro ASEAN, maibe infelizmente iha estado ASEAN, barak se’i iha vioalação direitos humanos grave no corrupção boot, sira mos apoio ocupação iha Timor-Leste husi Indonesia, no seidauk brani ko’alia kona ba dictator Mianmar no ocupação Papua-Oeste. Se wainhira Timor-Leste sai nudar parte ASEAN, iha futuro, Política saida mak ita boot sira nebe ukun hodi trasa hamenus violação direitos humanos iha ASEAN nia laran.?( WEPSITE; http//www.laohamutuk,) Tamba ne’e maunalin inan feton sira ba vota karik, vota ho conciência nebe sabedoria hili ida nebe iha Matenek no responsabilidade ba ita hotu nia preocupação hodi garante dezenvolvimento ida digno no qualidade iha ita rain nebé maubere oan rasik mak ukun. É Melhor pensar para fazer bem.
Bibliografia
REALE, et,al, Historia da filosofia antiga pagão,Vol,1 . Trad. Ivo Storniolo, Ed. 2a, São Paulo, Paulus, 2004.
CRDTL, Constituição da Republica Democratica de Timor-Leste, Dili 2022.
ELIDIO, Augusto Guterres. Filosofia Política Isfit, 2023.
WEPSITE; http//www.laohamutuk,org,Herra, tgl /16/5/23,horas 17;30,tls.
GUSMÃO, Martinho Germano da Silva, sabemos, e podemos, e devemos vencer, Malang, 2018.