ISFIT REALIZA ORIENTAÇÃO BA ESTUDANTE FOUN ANO LETIVO 2023

Dili- Iha loron quarta-feira 18 de Janeiro (ISFIT) hala’o orientação ba estudante foun ano letivo 2023 husi Faculdade rua: Filosofia no Teologia. Atividade académica ne’e realiza iha recinto ISFIT. Estudante sira nebé frequenta orientação hamutuk 109 be composto husi Faculdade Filosofia 73 pessoas no Faculdade Teologia 36 pessoas (Média-ISFIT/21/01/2023).

Iha abertura ba orientação ida ne’e Presidente Comissão da orientação do ano de 2023 afirma katak objetivo husi orientação mak atu orienta no tulun orientando sira hodi conhece no compreende processo no progresso tomak ISFIT nian molok hahú processo aprendizagem.

Orientação académica ne’e realiza durante loron tolu ho atividade sira hanesan: formação hodi orienta estudante sira conhece processo acadêmico, processo administração, diciplina, partilha filosófica, partilha teológica, partilha conhecimento acerca da Corrupção, Colusão no Nepotismo husi CEPAD. Para além de atividade académica sira intercala mos atividade sira seluk hanesan animação no trabalho físico.

Hafoin iha loron 20 fulan Janeiro Comissão hamutuk ho Senado Académico ISFIT, Funcionários, Docentes hamutuk mos orientados sira halo encerramento ba orientação. Iha biban hanesan Presidente Comissão Organizadora ba orientação académica nian hato’o parabéns no deseja estudante orientando sira atu hakat ba processo aprendizagem nian ho ain los no fuan mós liu husi experência nebé sira hetan iha knu’uk matenek ISFIT.

Presidente Comissão Organizadora salienta liu tan ho pensamento filosófico husi filósofo Sócrates nian atu estudante foun sira ne’e bele compreende hodi hakat iha passo ida nebé compreensível a nível académico e filosófico “Koko lai hafoin bele conta, compreende lai hafoin fó resposta, hanoin didi’ak hafoin bele ko’alia, rona lai hafoin bele fó solução no hala’o lai hafoin tau esperança” hateten PCO estudante Adriano Dos Santos Gapun .

Vice-Reitor I assunto académico Pe. António Quenser, Ms. Teo, elogia Comissão no parabeniza recém estudante sira be remata ona orientação académica refere. Tamba ne’e nia hateten katak “orientação durante loron tolu hanesan oportunidade previlegiada ida hodi tulun atu aprende ciência iha Ensino Superior nebé diferente ho ambiente secundário nian”. Vice-Reitor ne’e mos husu estudante foun sira ne’e atu aprende ho didi’ak tuir princípio de filosofia da educação aristotélica be dehan “educação nia abut ne’e moruk maibé nia fuan midar” tenik Pe. Quenser.

Atividade académica ne’e termina ho sunu atributo de orientação nu’u símbolo hatais unuk foun hodi sai husi Caverna da ignorância do conhecimento ba luz do conhecimento tuir analogia platónica acerca do conhecimento no ikus liu mak termina ho animação.

Média ISFIT

Aniceto Dos Santo da Conceição