DILI-Instituto Superior de Filosofia e de Teologia de Dom jaime Garcia Goulart (ISFIT) simu delegação husi Universidade Católica Widya Mandira Kupang hodi reforça tan MoU nebé hala’o ona entre instituição académica rua. Participa iha cerimónia de receção mak: Vice-Reitor I, P. António Quenser, Vice-Reitor III, Prof. Elídio Guterres, Decano da Faculdade de Teologia Frei Yoseph Jawa, Chefe do Recurso Humano Dr. Armindo Amaral no Secretariado do Reitor Frei Domingos. Parte delegação sira mak: Pak Yohanes Ovaritus Jagom, Pak Samuel Igo Leton no Pak Paskalis Adrianus Nani. Atividade ne’e hala’o iha salão do encontro Campus ISFIT. (ISFIT/15/10/2022).
Iha ámbito académico, cooperação entre instituição académica sira iha rai laran no rai li’ur sai fator importante ida hodi fahe no aprende oinsa mundança mundo educação nian. Ho nune’e, mak iha tempo hirak liu ba ISFIT serviço hamutuk ho Universidade Católica Widya Mandira Kupang hodi haré no aprende hamutuk oinsa promove ISFIT liu husi ensino de aprendizagem adequada, eficaz e contextualizada.
Tamba ne’e MoU nebé husi parte rua halo mak atu toca konaba Social Engagement, Join Lecture, no plano mos atu halo estágio, no UNIKA Kupang mos hanoin atu tulun ISFIT hodi estabelece Academic System, Ligado ho Média oinsa atu halo vídeo nebé conteúdo matéria atu nune’e bele tulun estudante sira aprende no nafatin aprende.
Iha sor mutu ne’e toca maka’as konaba sistema académico nebé oras ne’e mos sai hela esforço ba Instituto Católico nebé hari husi Conferência Episcopal Timorense ne’e. Iha momento hanesan, Reitor ISFIT la participa tamba iha assunto seluk nebé la permite atu participa. Tamba ne’e Vice-Reitor I, P. António Quenser representa estrutura tomak hato’o agradece ba delegação husi Universidade Católica Widya Mandira Kupang ba visita no espera kata ho sorur mutu ne’e bele hametin liu tan releção entre Instituição rua iha mundo académico.
Depois de diálogo entre parte rua, husi delegação sira ba halo visita ba classe no haré diretamente facilidade iha aula no haré mos oinsa condição IT liu-liu liga ba internet nebé oferece husi MESCC atu bele facilita serviço funcionários no estudantes sira atu fácil acesso ba livros, Dissertações, jornais internacionais nst.. Hein katak ho passo ida ne’e ISFIT bele aprende liu tan ba futuro ida nebé preparado.
Média-ISFIT
Júlio de Jesus