𝐈𝐒𝐅𝐈𝐓 𝐈𝐍𝐈𝐂𝐈𝐀 𝐂𝐔𝐑𝐒𝐎 𝐂𝐎𝐌𝐏𝐔𝐓𝐀𝐃𝐎𝐑 𝐁𝐀 𝐄𝐒𝐓𝐔𝐃𝐀𝐍𝐓𝐄 𝐒𝐈𝐑𝐀

Dili – ISFIT liu hosi Unidade IT inicia curso computador ba estudante sira iha loron 27 fulan agosto tinan 2024. Curso ne’e realiza iha sala laboratório ISFIT nian.

Curso cumputador ida ne’e sai hanesan plano nebé mak ISFIT planeia atu oferece gratuitamente ba estudante sira ISFIT nian. Tamba ne’e, liu hosi esforço funcionário sira IT-ISFIT nian elabora mecanismo atu ohin bele inicia no realiza duni curso ida ne’e.

Assistente IT, funcionário Agostinho Octaviano nebé mak sai mos hanesan formador iha curso refere haktuir katak curso nebé sira oferece daudaun ne’e ho nivel básico iha programa Office. “Oras ne’e daudaun ami oferece curso básico ba programa office nebé mak sei fahe ba pacote tolu hanesan Microsoft Office, Excel no PowerPoint. No ami mós iha ona plano atu halo continuação ba curso ne’e too nivel nebé avansado liu”, haktuir formador Agostinho.

Formador ne’e explica liu tan katak objetivo hosi curso ida ne’e mak atu capasita estudante sira nia habilidade iha área computador nian. No hosi curso ida ne’e mós ita hotu espera bele ajuda estudante sira iha sira nia estudo no liu-liu nudár preparação básico ida ba sira atu bele preparado hodi compete iha mercado trabalho aban bairua nian.

Estudante hirak nebé participa iha curso refere mai hosi faculdade filosofia no teologia. No formador sira ba curso ida ne’e mak hosi equipa IT-ISFIT. (Média ISFIT)