(Eskritór: António Da Cunha, Alumi ISFIT e Finalista Polítika Púbika UNTL)
Wainhira ha’u lee tiha pak dosen Cesar Ferreira Amaral (CFA) ho pak guru David Martins (DM) sira na’in rua nia paradoksu ne’ebé dialektika tebes no nakonu ho konseitu filozofia, iha ne’ebé pak guru DM diskorda no hambriik ho pozisaun: Etica no moral maka baze fundamental ne’ebé dudu no book ema atu halo argumentu kritiku, hodi orienta malu ba bonum privatum et comune.
Furak tebes wainhira ha’u lee belun na’in rua nia hanoin hanesan amar da sabedoria ida, enkuantu halo leitura ho dialetika lafasil ba filozofu ida simu no tolan tomak paradoksu sira, iha ne’ebé liu husi infiltrasaun didi’ak ba substánsia no esénsia husi paradoksu pak dosen ho pak guru sira nian.
Husi infiltrasaun ne’ebé ha’u halo ba pak guru DM nia diskordánsia ha’u dehan forra de area cobertura, wainhira sai ona husi liña maka nia sei to’o de’it eudemonia privatum, asalkan ha’u kontente la importa Bonum comum, maka Bonum comum pro publico lakon, tamba pak guru la konsegue deskobre SUJEITO husi testu ne’e.
Tamba ne’e, la signifika ha’u iha pozisaun CFA, maibé hakarak hatuur ka haloos parte balun husi pak guru MD. Loos duni iha istória filozofia nian hahú kedas husi Pre-Sokrátika, filózofu sira krítika malu ida-idak mai ho nia razaun, ho ida ne’e la iha verdadde ida ne’ebé absoluta. Tan ne’e, ha’u diskorda la signifika ha’u rejita totál paradoksu husi MD. Maibé, ha’u hakarak hadi’a, haree husi péritos balun iha polítika públika no reflesaun filozofia naton, ne’ebé ha’u hetan iha sede sapientia ISFIT.
- Proplema Públiku
Problema públiku nian mai ho karakter públiku, impaktu ne’e la’os ba ema “IDA”, iha situasaun ida ne’e maka persis iha estadu RDTL. Iha teoria polítika públika problema publiku ezemplu: na’ok (corrupção) “ ativa” ou “pasiva” + atensaun públika + inpaktu públiku. Maka iha ne’e konsidera hanesan problema públiku. Tan ne’e, maka problema sempre lori atensaun ba toria polítika públika.
“Polítika públika ne’e polítika ida ne’ebé hala’o husi individuo ka grupu, ne’ebé hetan poder iha instituisaun ida ka orgaun soberania ho objetivu hodi hala’o no buka solusaun ba problema ida, no hodi atinji objetivu ne’ebé iha tiha ona” (Sisto Maia, 2019; 3). Problema públia hetan solusaun husi instituisaun sira, ne’ebé maka iha rai ida hanesan RDTL maka órgaun soberania poder ezekutivu (governu), la’os solusaun ne’e husi ha’u ka pak docent CFA no pak guru MD.
Thomas R. Dye hateten: “Public policy is whatever government chooses to do or not to do” (Dye, 1972; 2). Halo ka la halo ne’e husi governu, maibé tenke tetu husi problema ne’e kategoria públiku ka lae, ne’e maka liu husi síklu polítika públika “agenda setting”, (crf, Sabatier, 1979; 481). Ha’u repete solusaun ba problema publiku ka problema sosiál ne’ebé povu “RDTL” hasoru maka responsável governu ka makaer ukun sira, liu husi planu ne’ebé iha. Ita mós planu ida hanaran Programa Estratéjuku Dezenvolvimentu Nasional ( PEDN 2011-2030), tarjetu to’o 2030 Timor hanesan singapura, maibé agora iha ona 2024, loos ka pak guru nain rua tuir planu refere, filosofia hanorin ita atu kestiona ba situasaun hirak ne’e.
Ha’u repete na’in ba solusaun Problema públika ne’e la seluk la leet makaer ukun sira. solusaun ne’e lori bonum comune pro publico non bonum privatum pro “elite”.
- Sujeitu: “Politika”
Ha’u le fila-fila textu husi pak guru nain rua nian hodi halo dialetika, no ha’u hahú kedas ho pergunta: kritika ba saida? ha’u hetan iha paragrafu primeiru ho segundu maka problema sosiál, tan ne’e maka iha leten ha’u hahú kedas esplika problema sosiál sira ezemplu: injustisa, korupsaun, nst. Problema sosiál ne’e mosu iha ne’ebe? iha estadu RDTL, problema sosiál sira ne’e se loos maka bele solusiona? Seráke solusiona presiza kritika ho etika ka kritika la presiza etika. Husi ne’e maka hetan kedas sujeitu ema ne’ebé atu solusiona problema maka NAIN BA DESIZAUN POLITIKA” makaer ukun, nah iha ne’e maka poder órgaun konstituiente teoria Trias Política husi Montesquieu.
Sé Sujeito ne’e maka “ Politika”, enkuantu ko’alia kona-ba polítika ne’e dinámika, ohin nian ko’alia lalehan, iha implementasaun bele mosu infermu. Tamba sujeitu em sí polítika, hakarak ka lakohi mencurikan, filozofia de “skepsis”, tamba iha periodu sokrátika iha gurupu ida hanaran sofista ne’e faan sira nia matenek iha dalan-dalan, maibé nakonu ho lia bosok. Iha situasaun ida ne’e ida-idak presiza vijilánsia tanba Nicolau Lobato dehan são muitos reacianários (Cfr. Nicolau Lobato, 2016; 82), kuidadu lifuan polítika sira “promesa”, dehan Bonum Comune Pro Público, keta halo ba iha implemetasaun ka iha nia termination public policy lori fali Bonum Privatum.
Aristóteles hafahe siénsia ne’e ba tipu tolu: 1. Siénsia Teorítiku “epísteme” ne’e maka filozofia. 2. Siénsia prátika ezemplu: poltíka, étika, no ikus siénsia poétika ezemplu: arte sira. Husi ne’e, klasifika katak politika ne’e siénsia prátika aksilogia + telos politica ne’e maka eudemonia, Aristóteles (384-322), define objetivu husi politika: “Tujuan terakhir manusia adalah kebahagiaan (eudemonia), karena hanya kebahagiaan demi diri sendiri, sedangkan bagi orang yang sudah bahagia tak ada sesuatu lagi yang dirindukannya”.(Suseno, 2016; 188). Eudemonia Aristoteles ne’e la’os hela de’it iha mundo “eikasia” hanesan nia krítika ba Plato (Ukun), ba Plato konsiedra realidade hanesan kopia, ne’ebé keta laran susar no triste. Maibé, ita la ko’alia siénsia teoriku “ filosofia” maibé, siénsia prátika (praxis),lori ba realidade + mundu “politeia”, eudemonia iha politika maka la seluk la leet Bonum Comune Pro Público (ben’estar do povo) la iha fatin ba Bonum privatum.
Ho ida ne’e maka Aristoteles discorda idea husi nia mestre rasik Platao, “dengan melawan Platon, Aristoteles tidak menyerakan kepemimpinan kepada seorang filsof. yand dibutkan oleh seorang pemimpin adalah kebikjasanaan dalam peraulan dalam keutamaan-keutamaan etis. Sikap-Sikap itu tidak merupakan obyek pengatahuan filosofi melainkan tumbuh dalam keakraban dehan yang baik, dalam berulang-berulang melakunkanya” (Ibid.,Suseno;189). Dala ida tan Virtus Ethics, sasukat kdasar ba nia maka baik, mosu iha interasaun ema nian loron-loron. Tamba ne’e, keta monu ba lasu ba Autor Politika ne’ebé besik mai hatudu hahalok di’ak no sopan santun alias “santo moris” sira, maibé buat sa maka Aristoteles husik hela haree mós ba iha nia kebijasanaan hodi bele ba to’o ben estar do povo.
Se nune’e DESIZAUM Publico (kibijakan umum) ne’ebé la iha Bonum Comune Pro Público maka ita hela ho politika utopia ne’ebé memperbodakan públiku (povu), iha situasaun hanesan ne’e, seráke ita dehan ka autór Politika iha ita rain ne’e iha Philos no Virtus Ethiks?
- Sentidu husi Bonum Comune
Bonum Comum dalam Filafat Barat, editor husi Simon Untara ho Datu Hendrawain, apresenta Bonum Comum sentidu ampla no ita bele hetan iha espresaun sira hanesan: kesejahteraan umum (general welfare, kepentingan umu (public interest), kebaikan publik (public good). Ho ida ida ne’e, sai diskute iha mundu polítika, mai iha tempu modernu. Polítika sira gosta tebes uza Bonum Comum, maibé iha polis praxis mosu fali bonum privatum.Tane ne’e, liuliu iha sociedade pluralist kestiona kona-bá problema ne’e.
Konceitu ida ne’e, sentral tebes iha filosofia moral klásiku ne’ebé hetan iha Aristóteles nia Magna Etica (sumum Bonum), Sumum Bonum ba Aristóteles ema ida-idak hakaas-aan ba to’o iha ne’ebá dalan maka “Virtus Ethiks”.
Ohin loron, ema polítika modernu, sira koko uza ida ne’e atu taka povu nia ibun. Hanesan espresaun balun husi polítika estadu ne’e ita nian mai hamutuk hodi rezolve problema sira, labele lalais monu ba espressaun hirak ne’e. Dala ida tan, kulaker problema ne’ebé povu hasoru ne’e governu liu husi “implementation Public policy”, tamba ne’e ita tenke krítika no krítika bebeik, maibé krítika hirak ne’e “é uma conselho”, la’os desizaun, tamba poder ne’e ita fó ba sira. Wainhira ita nonok maka iha loron ida makaer ukun sira sei ko’alia: IHA NE’E HA’U MAKA MANDA, SESE DE’IT.
Tuir David Hallanback, Bonum Comum iha versaun utilitarismo, atu ema hotu hetan no sente ben-estar ida ne’e, liu husi desizaun public policy iha politika implementasaun ( Cfr. art. Josena Emilie, 2021).
Ha’u nia belun DM ha’u hetan: Bonum Privatum et Bonum Comune, hanesan ha’u dehan, komu sujeitu ne’e Politika maka iha public implemtation la eziste no labele iha konsepsaun bonum privatum “elite”, mesmo Bonum privatum MD la temi esplisitamente.
Tuir David Hallaback, Bonum Comune iha sentidu ampla Bonum comum ( general welf)-ne’e rikusioin tomak nasaun ne’e ema hotu tenke hetan no fahe hanesan, labele turuk oan de’it maka ba povu, restu hela iha bonum privatu (elite), sira maka kaer ukun no ezekuta.
Bonum Comumm (public good) sa de’it barang/jaksa ne’ebé ema povu hotu nian, la iha ema ida maka atu terik netik. Tamba nia karater non-rivalous e non-eksludible. Mak nem makaer ukun ida lamas fali dokumentu kriminozu husi gaveta mai hodi bandu no esklui fali povu + bonum privatum (elite). Matebian Fernando Lassama nota no hantene interrese ukun nain sira, ho ida ne’e nia dehan: Ha’u nia dignidade la aas liu estadu nian.
Labele nega, bosok no aat liu maka lakohi halo krítika ba problema sosiál ne’ebé povu ka rai ida ne’e hasoru. Ema hirak ne’e kuidadu ho sira nia liafuan alias labele tolan tomak, hirak ne’e mak Nicolau Lobato bolu naran “novos reacionarios” (cfr. Nicolau Lobato, 2016; 81).
Ho ida ne’e, kualker desizaun public policy iha fins ne’e TENKE lori Bonum Comune Pro público non Bonum Privatum.
Sé ho MD nia pozisaun: etika no morál maka baze fundamentál ne’ebe dudu no bok ema atu halo argumentu krítiku, hodi orienta malu ba bonum privatum et comune. Se sujeitu “polítiku” alias makaer ukun, haree ba problema públiku ka sosiál ne’ebé ha’u koloka iha leten iha kontestu Timór, por reflesaun filozofiku será ke “polítiku” makaer ukun ida ohin loron sira bele lori povu hetan bonum comum?