Dili – ISFIT liu hodi Vice-Reitor III, assunto estudantil no cooperação organiza COPA ISFIT 2024 ho modalidade jogo futeball ba nivel ensino superior. Abertura jogo ne’e realiza iha loron 31 fulan julho tinan 2024 iha campo Seminário Maior Interdiocesano São Pedro e São Paulo.
COPA ISFIT nudár atividade ida nebé prevê ona iha programa anual ISFIT nian atu realiza cada tinan. No ba tinan ne’e Vice-Reitor III hamutuk ho Senado Estudantil decide atu forma comissão organizadora nebé composto hosi estudante sira hodi organiza copa refere.
Equipa hirak nebé sei compete iha copa ida ne’e mak hanesan ISFIT, UCT, UNPAZ, ISJB, ISDB, SPEPAL, VIANNEY, AMANTE SPEPAL, no RELIGIOSO. No equipa rua nebé compete hodi halao abertura ba copa ida ne’e mak equipa uma nain hosi ISFIT no UCT. Iha jogo ne’e equipa rua compete di’ak teb-tebes hodi termina jogo refere ho resultado empata 1-1.
Cerimónia abertura ida ne’e hetan participação máxima hosi Senado Académico ISFIT, Funcionários, Secretário FFTL, Chefe Suco Bairo-Pite, responsavél casa formação, Responsavél equipa sira, jogadores, comunidade no estudante sira hotu. (Média ISFIT)