𝗜𝗦𝗙𝗜𝗧 𝗦𝗜𝗠𝗨 𝗩𝗜𝗦𝗜𝗧𝗔 𝗛𝗢𝗦𝗜 𝗜𝗦𝗗𝗕

𝘿𝙞𝙡𝙞 – 𝙄𝙎𝙁𝙄𝙏 𝙖𝙩𝙚𝙣𝙙𝙚 𝙫𝙞𝙨𝙞𝙩𝙖 𝙝𝙤𝙨𝙞 𝙄𝙣𝙨𝙩𝙞𝙩𝙪𝙩𝙤 𝙎𝙪𝙥𝙚𝙧𝙞𝙤𝙧 𝘿. 𝘽𝙤𝙨𝙘𝙤 (𝙄𝙎𝘿𝘽), 𝙞𝙝𝙖 𝙡𝙤𝙧𝙤𝙣 27 𝙛𝙪𝙡𝙖𝙣 𝙟𝙪𝙣𝙝𝙤 𝙩𝙞𝙣𝙖𝙣 2024, 𝙞𝙝𝙖 𝙨𝙖𝙡𝙖 𝙚𝙣𝙘𝙤𝙣𝙩𝙧𝙤 𝙄𝙎𝙁𝙄𝙏 𝙣𝙞𝙖𝙣.

Reitor ISDB, Pe. Manuel Pinto, SDB hamutuk ho ninia senado académico nebé representa hosi Pe. Plácido Teófilo Freitas, SDB hala’o visita mai ISFIT. Objetivo hosi visita ne’e atu mai troca ideia no impressões, liu-liu plano no proposta balu nebé mak instituição rua mehi atu realiza iha tempo oin mai. Visita ida ne’e mós sai hanesan dalan ida atu instituto católico rua ne’e bele halo cooperação iha tempo oin mai.

Reitor ISFIT, Pe. Justino Tanec agradece ba realização visita ida ne’e, tanba hosi visita ida ne’e bele fo continuidade ba atividade académica hirak nebé mak durante ne’e ISFIT ho ISDB realiza ona.

Iha fatin hanesan Reitor ISDB, Pe. Manuel Pinto, SDB haktuir katak visita ida ne’e ho intenção ida atu hato’o proposta cooperação nian atu instituto católico rua ne’e bele servi di’ak liu tan igreja, liu-liu jovem sira iha área formação intelectual. (Média ISFIT)