PE. JUSTINO: BEMVINDO MAI IHA ISFIT, ITA NINIA UMA

Dili – Senado ISFIT realizaa encontro dahuluk ho responsável estudante sira nian. Responsável sira ne’e composto hosi inan ho aman, padre responsável sira ba seminarista no comunidade religiosa sira.

Encontro nebé realiza iha loron 6 fulan abril tinan 2024, sai hanesan encontro dahuluk nebé realiza ho família estudante sira nian, liu-liu inan ho aman estudante sira nian. Pe. Justino Tanec hanesan reitor ISFIT haktuir katak encontro ida ne’e realiza ho objetivo ida atu família sira haré direitamente no rona explicação sira kona-ba ISFIT. No hosi ISFIT mós hakarak atu rona família ho responsável sira nia hanoin ba ISFIT nia di’ak no ita hotu nia di’ak.

Iha abertura encontro nian Reitor haktuir katak “agradece ba ita boot sira ninia confiança nebé fo mai ami atu corresponsabiliza ita nia oan sira ninia educação. Hato’o mós ami nia bemvindo mai iha ISFIT, ita ninia uma. Ne’e primeiro encontro nu’udar comunidade académica ida hamutuk ho inan ho aman. Ita hasoru malu beibeik iha fatin seluk maibé ida ne’e primeira vez inan ho aman, responsável comunidade sira nian no formadores/as hamutuk ho senado académico ho funcionário sira hotu”. (Média ISFIT)