Dili – ISFIT simu vista Cruz Universitária hosi ISDB. Cerimónia de entrega ida ne’e hahu ho misa eucaristia nebé preside hosi Pe. Grasiano dos Santos Barros, Vigário Geral Arquediocese Dili iha igreja paroquial D. Bosco, Comoro iha loron 24 fulan março tinan 2024.
Tuir programa, cerimónia de entrega Cruz ida ne’e sempre realiza iha Domingo de Ramos. Cruz universitária ida ne’e responsabiliza direitamente hosi Comissão Juventude Católica Arquediocese de Dili – COJUCAD. Iha biban discurso nian Pe. Cirilo dos Santos Maia hanesan presidente COJUCAD, anuncia oficialmente entrega ida ne’e no agradece ba ISDB ho parte hot-hotu nebé durante ne’e colabora no serviço hamutuk ona ho COJUCAD.
Iha oportunidade discurso nian Reitor ISFIT, Pe. Justino Tanec agradece ba confiança nebé COJUCAD fo mai ISFIT atu hola parte iha programa Cruz universitária ida ne’e. Reitor agradece liu tan tanba liu hosi Cruz universitária ida ne’e bele unifica universidade no instituto superior sira hotu.
Wainhira Cruz universitária too ISFIT, Pe. Justino hanesan Reitor ISFIT fo bemvindo hodi hatete katak “bemvindo ba Cruz universitária, ba universitário sira hotu, ba docentes no ema hot-hotu hakarak buka sabedoria liu hosi Cruz”. Reitor mós espera katak liu hosi Cruz ida ne’e bele sai hanesan ponte de amizade entre universidade no instituto superior sira hotu. (Média ISFIT).