Dili – Estudante ISFIT halao jogo amizade ho estudante ISDB. Jogo ne’e realiza iha campo Salesiano, Comoro iha loron 22 fulan março tinan 2024.
Jogo amizade ida ne’e hanesan mós atividade ida nebé mak prevê ona iha programa Instituto Superior D. Bosco nian, liu-liu iha visita Cruz Universitário nebé oras ne’e daudaun iha hela Instituto refere. Tuir programa katak molok atu entrega hikas Cruz Universitário ida ne’e mai ISFIT mak ISDB sei halao programa sira hanesan reflorestação, Seminario, Kalan Cultura no jogo amizade nebé mak ohin realiza.
Jogo amizade ne’e realiza ho modalidade rua mak hanesan Basketball ho Football. Iha Jogo Basketball ISFIT consegue manan ISDB ho pontos 40-34. Nune’e mos iha jogo Football ISFIT manan ISDB ho pontos 3-1. Jogador ISFIT hirak nebé joga iha modalidade rua ne’e composto husi estudante ativo no alumni sira. (Média ISFIT)