ISFIT PARTICIPA IHA ATIVIDADE REFLORESTAÇÃO

Dili – Estudante ISFIT participa iha atividade reflorestação nebé organiza husi Instituto Superior D. Bosco (ISDB) no serviço hamutuk ho Ministério da Agricultura, Pecúaria, Pescas e Florestas. Atividade ida ne’e realiza iha área Tibar, Likisa.

Atividade ida ne’e realiza hodi comemora loron 21 de março nu’udar loron Mundial ba Floresta. Tanba ne’e, Ministério da Agricultura, Pecúaria, Pescas e Florestas liu husi Sécretario de Estado das Florestas foti tema ba comemoração ne’e mak “Floresta & Inovasaun: Solusaun Foun ba Mundo nebe Diak liu”.

Pe. Casemiro Morais, Vice-reitor I ISDB nian agradece tanba bele realiza duni atividade ida ne’e. Atividade ida ne’e prevê ona iha plano anual ISDB nian atu realiza iha tinan ida ne’e, liu-liu tanba ho presença visita Cruz Universitário nebé mak oras ne’e daudaun iha hela ISDB.

Iha oportunidade hanesan Vice-Primeiro-Ministro e Ministro Coordenador dos Assuntos de Desenvolvimento Rural, Sua Excelência Sr. Mariano Assanami Sabino encoraja ema hotu-hotu atu cuidado ita nia floresta sira no husu atu ema hotu-hotu hola fila-fali consciência hodi badinas kuda ai-oan iha ita nia ambiente sira. (Média ISFIT)