DILI-Instituto Superior de Filosofia e de Teologia de Dom Jaime Garcia Goulart (ISFIT) hetan visita husi Diretor Executivo de ANAAA Dr. Nilton Paiva ho nia comitiva. Visitia ne’e hala’o iha edifício ISFIT no simu husi Reitor ISFIT ho citivitas académicas no estudante sira. Hafoin de cerimónia receção continua kedas ba encontro husi parte rua iha sala do encontro SIFIT nian. (ISFIT/25/01/2023).
Reitor ISFIT hato’o palavras de boas vindas ba Diretor Executivo ANAAA nian foun ne’e tamba visita ne’e hanesan primeiro momento nebé mai hanesan amigo iha mundo educacional. Iha encontro ne’e nia laran Diretor Executivo ANAAA Dr. Nilton haksolok tebes hodi fo obrigado ba Reitor ISFIT Pe. Justino Tanec no padre sira seluk nebe participa iha cerimónia de tomada de posse nu’udar Diretor Executivo ANAAA nian iha tinan 2022 liu ba. Hafoin Dir. Executivo ne’e mos relata tan informação sira relaciona ho mudança balun nebé acontece iha ANAAA hodi hatan ba política governo nian.
Iha fatin hanesan Dir. Executivo ANAAA husu ba Reitor ISFIT atu serviço maka’as liu tan hodi mantén no desenvolve ISFIT no halo preparação máxima liu tan hodi hasoru avaliação programática ba Faculdade de Teologia. Depois de informação hirak ne’e Dr. Nilton mos apresenta plano balun nebé sei halo formação ba IQA sira iha Universidade no Instituto tanto público quanto privado hodi empenha didi’ak sira nia knár tamba knar ida ne’e importante tebes wainhira mehi atu melhoria qualidade iha universidade eh instituto.
Encontro ne’e la’o ho dinámico amigável tebes, nakonu ho hamnasa no pinta ho corres académicos. Participa iha encontro ne’e: Diretor Executivo ANAAA Dr. Nilton Paiva, Reitor ISFIT Pe. Justino Tanec, no Vices-Reitores sira, Decano husi Faculdade de Filosofia e Teologia, IQA no Assistente no funcionários sira hotu ISFIT nian, Oficial Qualidade ANAAA Sra. Dirce Belo, Assistente Oficial Qualidade Sr. Paulino Saldanha no Técnico Jurídico Sr. David Costa.
Média-SIFIT
Júlio de Jesus